انتصارًا للمرأة.. 7 أسباب تجعل "روقة" ليست الزوجة المثالية
نشرت سارة نخلة صورة، للحظة تقبيل شيرين ليد زوجها، وعلقت عليها قائلة: "للناس القريبة مني واللي عارفيني أكيد عارفين إني مش بحور و كل حد دخل بيتي وأكل من أكلي في يوم من الأيام أكيد هيشهد إني مش بحور خالص، ومش معنى إني بنصح البنات تبقى قوية يعني إني بنت مفترية خالص بس أنا اتلسعت من الشوربة فبقيت أنفخ في الزبادي".
تابعت نخلة: "تعقيبا على الصورة دي، و عشان أنا عندي كمية تصالح مع النفس أكتر مما تتوقعوا و مش بندم على اي حاجة عملتها ابدا عشان انا اتربيت على كدا واتربيت ان راجل البيت يعني الحنية و الاحتواء، انا شايفة ان شيرين ست الستات و بنت ناس ومحترمة جدا ، الراجل الحنين ابن الأصول رجليه تتباس مش بس ايده و قدام الناس كلها، العلاقة بين الزوجين لو حصل فيها خيانة او عدم احترام فالأحسن انها تنتهي بسرعه ... الود والاحترام و الحنية والاهتمام برأيي اهم من الحب بألف مرة انا عن نفسي كنت روقة في نفسي اوي و زي ما بوقف قدام الكاميرا و بمثل مع ناس محترفين و مخرجين عباقرة انا بقعد عند طشط الماية والملح و بغسل رجلين جوزي بعد ما ييجي من شغله وابقى مبسوطة اوي بجو اه ونص الي عملاه".
أردفت سارة نخلة: و اعمله مساج و ابقى طبخاله لقمة حلوة وقبل ما ينام لازم أقوله انت راضي عني ويقولي اه الله يرضا عليكي ولو مش راضي أفضل ازغزغه لغاية ما يرضى، اصل الراجل مهما كان حابب شخصيتك القوية مع الناس ووسط زمايلك يحب دايما يشوفك ضعيفة قدامه و تابعة ليه على طول يعني برا البيت خليكي عاملة ناظرة وفي البيت تلميذة".
أكدت سارة نخلة: "الخلاصة ، شيرين زينا بنت جدعه و طيبة جدا لقيت الراجل الّي احتواها و دعمها مش راجل بيكسر من مقاديفها و بيقل منها راجل جنتل شايف ان نجاح مراته نجاح ليه و العكس صحيح ،انا مش من البنات الي تقولك ايه دا وابوس أيده ليه خير انشالله هو بابايا ، اه باباكي وحتى باباكي مش هايبقالك والبنت المتربية صح ابوها نفسه هايقولها كدا".
اختتمت سارة نخلة: " اما لو في راجل عملتيله كل ماسبق و حطيتيه على دماغك وخان عشرتك وصبرك و قلة حيلتك وما طمرش فيه عادي جدا الطشط بالماية والملح الّي فيه يتقلب عليه عادي جدا عشان احنا ولايا و الّي ييجي على ولية عمره ما يكسب صدقيني، بوسي أيديه صبح و ليل ولو هو ابن اصل هايشيلك بعنيه ولو واطي محكمة الأسرة كبيرة وبتساع ملايين".
من ناحية أخرى، كانت محكمة جنح أكتوبر، أصدرت حكما بحبس الفنان أحمد عبد الله محمود، لمدة عامين، في قضية اتهامه بخيانة الأمانة، في الدعوى المقامة ضده من زوجته الفنانة السورية سارة جهاد نخلة.
وكان أحمد عبد الله محمود تقدم بالمعارضة على حكما غيابيا أصدرته محكمة جنح أكتوبر بحبسه لمدة عامين، وصدر بحقه الحكم المتقدم "حضوريا".
وكشف أحمد عبد الله محمود أنه يتواجد في منزله ولم يتم حبسه، وسوف يقوم بعمل استئناف على الحكم الصادر بحبسه لمدة عامين في القضية التي رفعتها ضده زوجته السابقة سارة نخلة بخيانة الأمانة وعدم سداد إيصال أمانة، حسب موقع "البوابة".
اقرأ أيضًا:
بالفيديو- شيرين عبد الوهاب تبكي وتقبل يد زوجها
والدة أحمد عبد الله محمود تعرض منزلها للبيع لسداد ديونه لسارة نخلة
