صورة- يا بخت من له وليف.. بسمة وهبة تتحدث عن أبويها

ولاء مطاوع | فى حياة المشاهير

بسمة وهبة

الجمعة , 20 سبتمبر 2019 - 14:28

ترتبط الإعلامية بسمة وهبة، بعلاقة صداقة قريبة مع والديها، وتحرص على إظهار حبها وتقديرها إليهما.‏

نشرت وهبة، عبر حسابها الخاص على Instagram، صورة جمعتها بوالديها، وعلقت عليها قائلة: "عارفين مين هو الوليف؟ هو ‏الشخص اللي بتأنس لوجوده، تألفه وتتآلف معاه، كل بنت بتحلم تقابل الشريك اللي يمشي معاها الطريق، الطريق بكل ما فيه من ‏لحظات صعبة ولحظات حلوة ... فضلت على طول بحلم بالوليف".‏

تابعت بسمة وهبة: "اللي شوفت قيمته ومعناه في علاقة أقرب وأغلى الناس، والدي ووالدتي اللي في كل خطوة كنت بشوف فيهم ‏معنى العلاقة الحقيقية اللي بتجمع ما بين أتنين متجوزين، بعد ما بنعدي مرحلة الحب والبدايات، لنصفين بيكونوا واحد بجد، ‏بعصبيتهم وخناقهم، بعايز تاكل إيه النهاردة، مش عارف، أنت لازم تتعبني؟ يا ستي وأنا مالي اعملي اللي إنتي عايزاه".‏

أضافت وهبة: "الحوار التقليدي اللي عمره ما بيبقى قديم ولا عمره بيكون تقيل باحتياجهم لبعض اللي ممكن حتى ما يتقالش ‏بصوت عالي ، بس بمجرد نظرة عين، أو كلمة ليها معنى، بالسن اللي له حكمه ... وبوقفتهم دايما جنب بعض حتي وهما مش ‏قادرين، بنظرة حنان ساعة المرض ... بطبطبه علي الكتف لحظة الخسارة".‏

اختتمت بسمة وهبة: "بدمعة نازلة بخوف وقلق، كل ما سبق هو معنى لكلمة الوليف، كل ما سبق هو معنى لأجمل رحلة ممكن ‏يعيشها اتنين مع بعض، على نفس الطريق، طول الطريق بأحزانه قبل أفراحه، ويا بخت من له وليف، ربنا يخليكم ليا يا أغلى ‏الناس، يا أعز الناس ويخليكم لبعض".‏

View this post on Instagram

عارفين مين هو الوليف ؟ . . الشخص اللي بتأنس لوجوده؛ تألفه و تتآلف معاه ! كل بنت بتحلم تقابل الشريك اللي يمشي معاها الطريق ، الطريق بكل ما فيه من لحظات صعبة ولحظات حلوة ... فضلت على طول بحلم بالوليف ، اللي شوفت قيمته ومعناه في علاقة أقرب وأغلى الناس ، والدي ووالدتي اللي في كل خطوة كنت بشوف فيهم معنى العلاقة الحقيقية اللي بتجمع ما بين أتنين متجوزين ؛ بعد ما بنعدي مرحلة الحب والبدايات ، لنصفين بيكونوا واحد بجد ، بعصبيتهم وخناقهم .... ب "عايز تاكل ايه انهارده ؟" ... "مش عارف" ... "انت لازم تتعبني" ... "يا ستي و انا مالي اعملي اللي انتِ عايزاه" !! الحوار التقليدي اللي عمره ما بيبقى قديم ولا عمره بيكون "تقيل" ... باحتياجهم لبعض اللي ممكن حتى ما يتقالش بصوت عالي ، بس بمجرد نظرة عين ، أو كلمة ليها معنى !! بالسن اللي له حكمه ... وبوقفتهم دايما جنب بعض حتي وهما مش قادرين ! بنظرة حنان ساعة المرض ... بطبطبه علي الكتف لحظة الخسارة ! بدمعة نازله من خوف وقلق ! كل ما سبق هو معني لكلمة "الوليف" ! كل ما سبق هو معني لأجمل رحلة ممكن يعيشها أتنين مع بعض .... علي نفس الطريق طول الطريق بأحزانه قبل أفراحه ! ويا بخت من له "وليف" ! ربنا يخليكم ليه يا أغلى الناس ، يا أعز الناس ويخليكم لبعض ❤ #بسمة_وهبة #باب_للأمل

A post shared by Basma Wahba (@basma_wahba) on Sep 20, 2019 at 4:29am PDT

بسمة وهبة مع زوجها: الفرحة فرحتين

حبس سارق فيلا بسمة وهبة لمدة عامين