بسمة وهبة
تحدثت الإعلامية بسمة وهبة عن تجربتها مع مرض السرطان، والمعاناة التي تعرّضت لها بسببه، موضحة أن رحيل الفنان فاروق الفيشاوي ووصيفة ملكة جمال لبنان ميشال حيجل دفعاها لكشف تفاصيل ما مرّت به.
أوضحت بسمة عبر حسابها على Facebook، أن تجربة السرطان كانت معركة وليست مرضًا بالنسبة لها، مضيفة: "مهما الواحد اتكلم عن معركته ورحلة المرض، هيفضل من الصعب وصف بعض اللحظات اللي عدت عليه، لحظات الألم، بس النهاردة قررت أحكيلكم الزاوية الأهم للحدوتة، حدوتة الأمل".
تابعت: "(للأسف سرطان يا بسمة).. الجملة دي سمعتها من الدكتور بتاعي بعد الكشف والتحاليل.. لاقيته بيقولهالي عشان آلاقى نفسي فِي لحظة وبدون تفكير بقول (إنا لله وإنا إليه راجعون، اللهم أجرني في مصيبتي واخلف لي خيراً منها).. قعدت أرددها بشكل فاجئني أنا شخصياً.. كان ساعتها وفِي لحظتها لازم اختار، هل استسلم للعدو ده؟ ولا أواجه وأحارب المعركة دي عشان الخسارة هنا مش زي أي خسارة .. دي حياتي .. حرفياً".
أضافت أنها لم تفكر كثيرًا في الإجابة لأنها قررت المواجهة فورًا بسبب أحبابها الذين تريد الحياة لأجلهم، لا سيما أولادها وزوجها وباقي أفراد أسرتها كاتبة: "كل دول هما أمل حياتي اللي عشانهم كان لازم أحارب وأخوض المعركة دي، كان لازم أحاول أغلبه وأحاول أعيش. كان الدكتور يبقى عايز يقولي الأعراض الجانبية للكيماوي أو العلاج كنت أقوله لا، مش عايزة أعرف. كنت أقول مش يمكن ربنا يعديها عليا من غير ما أختبر كل اللي هيقوله، ليه أعرف وأبقى مستنية العفريت يطلعلي.. شعري لما وقع قلت وماله ما كان ممكن شعري نفسه يتعب أو يحصل أي حاجة ويقع بردو .. ربنا كريم وبيعوض ... هيعوض".
استطردت: "كنت أخرج من غير باروكة ألاقي المقربين مني بيزعقوا ويقولولي لا، خايفين عليا من نظرة شفقة أو حسرة أو تشفي، كنت بقول لا ، لو دي نقطة ضعف، لو البعض هيشوفها كده ، فأنا ما قدميش غير المواجهة يا أما هتاكل فيا وتقضي عليا. ماتفتكروش من الكلام ده إني قوية أو أني يعني كنت قادرة أوي بالعكس كان فيه لحظات إنكسار، لحظات ألم ووجع ماحدش أبداً .. أبداً هيعرفها أو يعرف وقعها عليا. ماحدش هيحسها زي ما أنا حسيتها. بس مع كل لحظة ألم كنت بدور على باب للأمل.. أصل كلنا عندنا شخص بنحبه وبيعز علينا فراقه. وأنا ماكنتش مستعدة أفارق خصوصاً لو الخيار متروك ليا".
اختتمت بسمة حدثها موضحة أنها بعد شفائها تتذكر دومًا لطف الله في حياتها والمحن التي حوّلها لمنح وكيف أنها تمسّكت بالأمل في أصعب اللحظات، مضيفة: "ربنا يقدر كل شخص على رحلته.. ويقدرنا نساعد وندعم كل شخص محتاج دفعة للأمام .. ويشفي كل مريض بيحاول يلاقي باب للأمل".
كانت بسمة وهبة قد قدمت موسمًا مثيرًا للجدل من برنامجها "شيخ الحارة" خلال شهر رمضان الماضي، حيث تقدمت باستقالتها من القناة بعد عرض حلقة برنامجها مع ياسمين الخطيب، حيث كانت وهبة رافضة لعرضها.
اقرأ أيضا:
بسمة وهبة : الحجاب فرض ونجوت من حادث سيارة مدبر
بسمة وهبة : هذا مصدر ثروتي و"قبل أن تحاسبوا" ليس برنامجا دينيا
أحمد مالك عن هدى المفتي: ببقى سعيد وأنا بشتغل معاها
محمد الشرنوبي: طفولتي كانت طفولة مش لايقه على طفل
رسالة رومانسية من أحمد تيمور لمي عز الدين احتفالا بعيد ميلادها: أغلى مخلوق على قلبي
هبة السيسي تكشف إصابتها بالسرطان
مدين يشيد بـ Joy Awards: مهرجان عالمي على أرض عربية
محمد ممدوج: مش بحب لقب "تايسون السينما المصرية ... مريم أبو عوف حاربت ناس كتير مانعني أشتغل
أول تعليق من عمرو أديب على انفصاله عن لميس الحديدي: حياتي ملكش دعوة بيها
محمد رمضان يعلن استبعاده من الغناء في حفل نهائي أمم إفريقيا: مكلفوش خاطرهم أنهم يعتذرولي
وفاة الفنان محمود بشير
بعد سنوات طويلة من الخلاف ... جوي أووردز تجمع بين عمرو مصطفى وباسم يوسف
فيديو- ياسر جلال وأيتن عامر يغنيان "ناديت" من كواليس "كلهم بيحبوا مودي"
مادلين طبر: منة شلبي موهوبة بس محتاجه تشتغل على مخارج الحروف
"دا أنا كفالة" … نسرين أمين تعيد تقديم مشهد من فيلم "حملة فريزر" مع ابنتها
ثراء جبيل تحتفل بعيد ميلاد زوجها وتنشر أول صورة لابنتهما … اختارت لها هذا الاسم
ويجز ينشر الصورة الرسمية الأولى له برفقة زوجته: تزوجت حب حياتي
الصورة الأولى لويجز من شهر العسل
كتاب جديد عن "فرقة الست" من تأليف المؤرخ محمد شوقي
ويجز يحير جمهوره ... هل تزوج أم مشهد من عمل جديد؟
بعد خسارة مصر من السنغال ... عمرو أديب: تستمر العقدة
قبل عرضه على ON ... الطفلة جوليا تكشف كواليس مشاركتها في "قسمة العدل"
رمضان 2026 - يارا السكري تشجع أحمد العوضي على الفوز في برومو "علي كلاي" وسط قصة حب (فيديو)
بسنت شوقي باللون الزيتوني ومحمد فراج بالبذلة البيضاء ... ثنائي لفت الأنظار في حفل "جوي أووردز"
رمضان 2026 - درة تتحدى أحمد العوضي في برومو "علي كلاي": أنا اللي رسمتك يا علي (فيديو)
ريم مصطفى تتألق بفستان أسود يبرز رشاقتها في حفل "جوي أووردز"