وجه المنتج محمد كارتر رسالة رومانسية، إلى زوجته الفنانة شيماء سيف، بمناسبة عيد ميلادها.
نشر محمد كارتر، عبر حسابه الشخصي على Instagram، صورة معدلة لوجه شيماء سيف على جسد طفلة، وكتب عليها قائلًا: "الصورة دي متاخده سكرين شوت من عيني، أنا شايف شوشو كده ومش هاتكبر عمرها في نظري لأنها مش مراتي وبس دي بنتي اللي أنا مبسوط وفرحان بيها بشوفها في نومها طفلة وبشوفها في زعلها طفلة وبشوفها في ضحكتها طفلة".
تابع: "النهاردة عيد ميلاد بنتي وبنوتي وحبيبتي وصاحبتي وأختي ومراتي وأمي، النهاردة ربنا جابلنا هدية علشان تسعد الوطن العربي كله بخفة دمها وضحكتها اللي بتداوي القلوب وبتعالج الناس من الاكتئاب، أسعد لحظة في حياتي لما بلاقي حد كاتبلك أنا كان عندي اكتئاب وخفيت علي إيدك لأن الإحساس ده بجد كان عندي".
أضاف محمد كارتر: "قبل ما اعرفك كنت بضحك وبهرج، بس لما كنت بقعد مع نفسي بكتئب دلوقتي إنتي سبب الضحكة وسبب النفس اللي بتنفسه، بحبك يا أغلي من عمري كل سنة وإنتي في قلبي وفي حضني وربنا مايحرمني منك أبدا"
يذكر أن شيماء سيف احتفلت بزفافها على المنتج محمد كارتر 19 أكتوبر 2018، بحضور عدد كبير من الفنانين، منهم محمد رمضان ووفاء عامر وحماقي ودنيا سمير غانم وإيمي سمير غانم وحسن الرداد والإعلامية منى الشاذلي ونجوم "مسرح مصر" وغيرهم من النجوم.
إقرأ أيضًا: