تعليقات المشاهير على خروج المنتخب من بطولة أمم إفريقيا

ولاء مطاوع | فى حياة المشاهير

تعليقات المشاهير بعد خسارة المنتخب

الأحد , 7 يوليو 2019 - 02:02 | اخر تحديث: الأحد , 7 يوليو 2019 - 02:02

عقب توديع منتخب مصر لبطولة الأمم الإفريقية 2019من دور الـ16، بعد الخسارة أمام منتخب جنوب إفريقيا بهدف نظيف، ‏جاءت ‏ردود ‏فعل جماهير الكرة المصرية غاضبة للغاية‎ .‎وتفاعل عدد من المشاهير مع نتيجة المباراة، وتباينت ردود أفعالهم بين السخرية من الموقف، أو إظهار ‏الحزن والغضب.‏

وفيما يلي نرصد بعض ردود أفعال المشاهير عبر مواقع التواصل الاجتماعي.

عمرو عبد الجليل

View this post on Instagram

دعونا ننسي بطولات الماضي و نعمل بطولة جديدة

A post shared by عمرو عبد الجليل-amrabdelgelil (@amrabdelgelil_official) on Jul 6, 2019 at 1:53pm PDT

شيكو

View this post on Instagram

مش اي حد يمسكها ولا اي حد يلبسها ولا اي حد يدربها...

A post shared by Chico شيكو (@chico_1980) on Jul 6, 2019 at 2:54pm PDT

عمرو أديب

اوعى حد يقولى انه انصدم او انها مفاجاه كان باين المستوى من الاول احنا اللي بس كنا بنساند وبندعى . لكن الكوره في النهايه عرق ولياقه ولعيبه ملتزمه لازم حد يتحاسب لازم حد يتحاسب لازم حد يتحاسب

— Amr Adib (@Amradib) July 6, 2019

كريم فهمي

كان متوقع مع مدير فني كارثه و قايمه غريبه و لكن محمد الشناوي و طارق حامد روح و رجوله ... اما اتحاد الكوره ايه ؟؟؟ منتخب مصر اسم كبير ... عيب عيب عيب

— karim fahmi (@karimfahmi) July 6, 2019

أحمد السعدني

اما تتنيل تاخد قرار صح او غلط مترجعش فيه ابداً و اسأل الجوهري الله يرحمه نستاهل السقوط و الفشل الذريع

— Ahmed L Saadany (@AhmedLSaadany) July 6, 2019

صلاح عبد الله

كان نفسي أقولكم معلش عملتوا اللي عليكم بس بصراحة مش قادر أقولها
😭حزين وببكي زي العيال😭

— salah abdallah صلاح عبدالله (@SalahAbdallah) July 6, 2019

يوسف الشريف

لا تعليق #مصر_جنوب_افريقيا

— Youssef el sherif (@ElSherif) July 6, 2019

نبيل الحلفاوي

خرج منتخبنا..نقدر نقول اللي ما كناش نقدر نقوله وولادنا في الميدان.
قلت سابقا لو خسرنا فنحن خسرناها قبل أن تبدأ.
أي مدرب مصري درجة تانية كان هيختار قائمة أفضل.. وكان سيجري تغييرات أفضل.خأجيري دخل المنافسة مفلسا. دخلها بلا بدائل أو حلول.
كلنا كنا عارفين إننا متعلقين بحبال دايبة.1>>

— نبيل الحلفاوي (@nabilelhalfawy) July 6, 2019

شريف منير

View this post on Instagram

A post shared by Sherif Moneer (@sherifmoneerofficial) on Jul 6, 2019 at 3:01pm PDT

محمود البزاوي

حقيقي اسفين قيمتك طلعت كبيره و تفكيرك الدفاعي كان هو الصح .. شكرا كوبر انك كنت قادر تداري كل العيوب اللي فينا pic.twitter.com/V9Sos97mup

— محمود البزاوي (@albezzawy) July 6, 2019

رامي رضوان

بعد هزيمة المنتخب اليوم
حان وقت الحساب..والدفع لازم يكون انجليزي..يعني الفاتوره تتقسم على الكل
كل واحد يشيل شيلته بقى
بكره في ٨ الصبح أقولكم الحساب عند مين

— Ramy Radwan (@RamyRadwan) July 6, 2019

هاني رمزي

البطوله للأفضل ولازم نتعلم من إللى حصل ونبص لقدام ومبروك لمصر نجاح التنظيم للبطوله فخور ببلدى #مصر

— Hany Ramzy (@HanyRamzy) July 6, 2019

أمير طعيمة

الاعمي شايف ان أدائك البدني بينزل دايما في الشوط الثاني، تقوم ساحب هاف ديفيندر و تنزل وسط مهاجم وتفتح الملعب اكتر ما هو مفتوح
أجيري أسوأ مدير فني يمسك المنتخب في تاريخه، اختيارات سيئة و خطة عشوائية و عكنن علي ١٠٠ مليون
الجمهور المصري: عملنا اللي علينا بس كنّا بننفخ في قرية مقطوعة

— Amir Teima (@AmirTeima) July 6, 2019