كلمات مؤثرة من ابنة إبراهيم بسري في ذكرى وفاته

محمد عاشور | فى حياة المشاهير

إبراهيم يسري مع أبنته هنا

الاثنين , 22 أبريل 2019 - 16:22 | اخر تحديث: الاثنين , 22 أبريل 2019 - 16:22

في ذكرى رحيله الرابعة، نشرت ابنة الفنان إبراهيم يسري بعض الصور له، وعلقت عليها بكلمات مؤثرة عن حالتها بعد رحليه.

ونشرت هنا إبراهيم يسري عبر حسابها على Instagram صور لوالدها وعلقت عليها كاتبة:

"٤ سنين.. في نفس الوقت دة بالظبط من ٤ سنين صحيت علي خبر غيرلي حياتي كلها.. و من ساعتها و الحياة عمرها مرجعت زي الأول ولا عمرها هترجع ..أنا بقالي أسبوع مراهنة نفسي أني مش هحط صور ولا اكتب حاجة ولا حتى افكر في الموضوع بس خسرت الرهان كالعادة".

View this post on Instagram

٤ سنين.. في نفس الوقت دة بالظبط من ٤ سنين صحيت علي خبر غيرلي حياتي كلها.. و من ساعتها و الحياة عمرها مرجعت زي الاول ولا عمرها هترجع ..انا بقالي اسبوع مراهنة نفسي اني مش هحط صور ولا اكتب حاجة ولا حتي افكر في الموضوع بس خسرت الرهان كالعادة. اااااااااه.. وحشتني اوي يا هيما.. اوي.. اووووي.. الحياة من غيرك صعبة!! صعبة اوي. عمري معرفت ولا فهمت معني الوحشة دي غير لما سبتني.. عمري مفهمت معني الابتسامة الفيها وجع غير بعدك..وحشني ضحكتك الحلوة بزيادة،وحشني حضنك،وحشني حنيتك عليا،وحشني سؤالك عليا و دلعك ليا،وحشني حسك في البيت،وحشني اني اروح و ادخل عليك و اتكلم معاك.. وحشني صوتك.. سعات بكون ماشية في مكان كنا بنروحه كتير مع بعض او اشم رحتك في مكان فجأة، فجأة بحس ان قلبي اتعسر... من كام يوم حلمت بيك نفس الحلم البحلمه علي طول انك بتقولي انا لسة موجود يا نونو بس المرة دي الحلم كان حقيقي بزيااادة لدرجة اني صحيت ببص حواليا عشان افتكرت انك موجود بجد.. انا مبقتش انا من ساعة مسبتني يا بابي.. الوجع هدني.. و كبرني..ال ٣ سنين الفاتوا مكنتش عارفة ولا قادرة ارجع لحياتي الحرفيا وقفت من بعدك.. مؤخرا بس بدأت اكون احسن.. عارف ليه؟ عشان شايفاك و انت بتقولي "انتي عبيطة يا نونو؟ بتعيطي ليه يا حبيبتي" ف كل م اجي اعيط، افتكرك و اضحك و ابطل عياط عشان ولله العظيم انت لسة معايا.. انا كل مبفرح او يحصل حاجة جديدة في حياتي، بجري عليك احكيلك.. كل لحظة انت في بالي و لسة بشارك معاك كل حاجة و يمكن اكتر كمان..المصبرني حب الناس الزيادة مشاء الله ليك يا بابي. انا في ناس بتحبني من غير ميعرفوني لمجرد ان انا بنتك.. ولله كمية الكلام الحلو البيتقال عليك و كمية حب الناس ليك مش عادي.. من جوة و من برة الوسط..يا رب تبقي عارف و حاسس.. كل يوم بعرف عنك حكايات تخليني فخورة اكتر و اكتر اني بنتك انت مش بنت اي حد تاني..انا رأسي مرفوعة بسببك لفوق اوي يا بابي..اشوفك علي خير يا حبيب قلبي و نور عيني..

A post shared by هنا ابراهيم يسرى (@hanayousry) on Apr 20, 2019 at 6:44am PDT