بالدليل- عزيز الشافعي يرد على منتقدي أغنيته مع محمد حماقي "راضيني"

محمد عاشور | فى موسيقى وحفلات

عزيز الشافعي

الثلاثاء , 29 يناير 2019 - 16:34 | اخر تحديث: الثلاثاء , 29 يناير 2019 - 16:34

قرر الفنان عزيز الشافعي الرد على كل منتقدي أغنيته الجديدة "راضيني" التي قدمها مع الفنان المصري محمد حماقي في ألبومه الأخير "كل يوم من ده".

وجاء رد عزيز الشافعي عبر حسابه الرسمي على Twitter، حيث نشر من خلاله أكثر من تغريدة يوضح بيها التصحيح اللغوي لجملة "عنب الشام وبلح اليمن" التي أحدثت حالة من الجدل بين عدد كبير من الجمهور، واعتبرها البعض خطأ لغويا.

انا تقريبا لازم اعمل مؤتمر صحفي عشان اشرح فيه بالأدلة موضوع عنب الشام و بلح اليمن ده 😎

مانشيت كبير ويقولك خطأ فادحو مصيبة و هدم تابوهات وبتاع

اكيد كانت فيه حاجات اهم ممكن الصحافة الفنية تتكلم عنها
بس عالعموم لو هيتصدروا ف دي
حاضر هعمل مؤتمر و ارد على حضراتهم بالورقة والقلم
— عزيز الشافعي (@azizelshaf3i) January 27, 2019

اعملوا مينشن للصحفيين يا جماعة بعد اذنكم عشان الموضوع الخطير ده 😎

هنحط أدلة هنا تثبت ان فيه حاجة اسمها (عنب الشام و بلح اليمن) بخلاف ان طبعا فيه حاجة اسمها (بلح الشام و عنب اليمن) مشهورة اكتر

الدليل رقم 1
من كتاب الامثلة الشعبية و مناسباتها .. دار الكتاب الثقافي pic.twitter.com/vs2a3rqyWM
— عزيز الشافعي (@azizelshaf3i) January 28, 2019

الدليل رقم ٢
من كتاب (مصر .. الأسماء والأمثال و التعبيرات) إصدارات كتاب الجمهورية

هتلاقي المثل بيتقال ب ٤ طرق مختلفة زي ما واضح فالصورة
ومنهم (عنب الشام وبلح اليمن) زي الغنوة

منشن لاصدقائي ف فيتو واخبار اليوم ال قالوا خطأفادح وهو لاخطأ ولا فادح
😎😉@Vetogate @akhbarelyom pic.twitter.com/pnzRNngI1q
— عزيز الشافعي (@azizelshaf3i) January 29, 2019

أغنية "راضيني" من كلمات وألحان عزيز الشافعي ومن توزيع الموزع الموسيقي توما، وتم طرحها في أحدث ألبومات الفنان محمد حماقي الذي حمل اسم "كل يوم من ده".