خاص بالفيديو-عودة سمية الخشاب للغناء مجددا بـ "قلبي يا ناس"

رحيم ترك | فى موسيقى وحفلات

سمية الخشاب

السبت , 10 نوفمبر 2018 - 11:11 | اخر تحديث: السبت , 10 نوفمبر 2018 - 11:11

طرحت الفنانة سمية الخشاب أغنية جديدة بعنوان "قلبي يا ناس" عبر قناتها الرسمية على YouTube، تلك التي تشهد عودتها مرة أخرى للغناء الذي اتجهت إليه منذ سنوات بعيدة بطرح بعض الأغنيات ثم عادت للتمثيل بعدها.

أغنية "قلبي يا ناس" من كلمات هشام صادق، وألحان Soka، وتوزيع موسيقي Fido، ميكس وماسترز وتنفيذ محمد عباس، هندسة الصوت عمار خاطر.

تقول كلمات أغنية سمية الخشاب "قلبي يا ناس"

قلبي يا ناس تعبان من اللي بياخدوا خيره وما يدولوش
شايل كتيرر في حمول لناس قلوبها لا ما بيرحموش
قلبي يا ناس ده لحد امتى هيدي وما يتردلوش
باحتاج لناس تسندني وقت الضيقة وما يهربوش

فاتت سنين وأنا عايشه أداوى في قلوب تعبانين
وأنا دوري فين.. أنا طالبة اعيش في أمان مع ناس طيبين
وأنا وجعي ليه مش لاقيه ليه اللي يحس بيه
ولاحد جنبي يشوفني حتى ناقصني ايه
أدي أخرة اللي يشيل جروح متخصهوش
طب أروح لمين أنا واعمل ايه وقت الجراح
مانا برضه انسانة وبزعل على اللي راح
وكتير بدور على الأمان وما بلقاهوش
لازم أفوق جه الوقت اشوف مصلحتي فين علشان اعيش
لازم افوق ما هو مين هتستحمل هموم ما بتنتهيش
مليت خلاص من كتر ما انا باسمع وبس ما باشتكيش
وكسبت ايه كل اللي باسمعهم في وجعي ما سمعونيش
طب هعمل ايه بعد اللي ضاع من عمري واللي وصلت ليه
اخرتها ايه قلبي اللي ضحي كتير محدش خاف عليه

جدير بالذكر أن سمية الخشاب كانت أخر أعمالها الدرامية هو مسلسل "الحلال" عام 2017 مع بيومي فؤاد وفادية عبد الغني ويسرا اللوزي ومها أحمد ومن إخراج أحمد شفيق.

اقرأ أيضا

صورة- أحمد سعد يتحدى مهاجميه مستعرضا شعر صدره

بالفيديو- شاهد رقص فيفي عبده ودينا في زفاف ابنة خالد حجاج