بالفيديو- مي حلمي تعقب مجددا على إلغاء حفل زفافها.. فرحتنا ستعود

يارا عماد | فى حياة المشاهير

مي حلمي ومحمد رشاد

الخميس , 25 أكتوبر 2018 - 14:35 | اخر تحديث: الخميس , 25 أكتوبر 2018 - 14:35

تحدثت مقدمة البرامج مي حلمي مجددا عن إلغاء حفل زفافها من المطرب محمد رشاد، الذي كان مقررا له السبت الماضي.

ونشرت حلمي بيانا عبر حسابها على Instagram، مرفقا بفيديو لها وهي ترتدي فستان الزفاف، لتعبر عن حزنها لما حدث، ودهشتها من حديث الإعلام عن الأمر.

وأضافت أن جميع الروايات التي تم تداولها غير صحيحة، ولم يفكر أحدا في فرحتها التي لم تكتمل وفستان زفافها الذي تركته بعد ارتدائه خاصة وأن حلمها منذ 4 سنوات، لم يتحقق بسبب حديث البعض الخاطئ.

وتابعت أنه لم يهمها شيئا سوى فرحتها التي تم كسرها وحزن عائلتهما.

وأشارت إلى أنها لم تكن تنوي الحديث عن الأمر ولكن كثرة الأقاويل جعلتها تفعل ذلك.

وفي النهاية قالت مي: "فرحة فستان #بتاعت_الراديو راجعة راجعة إن شاء الله هنحكي كل حاجة وهنقول كل حاجة بس في الوقت الي احنا عايزينه مش اللي الناس عاوزاه نصيحة من قلبي لكل اتنين متجوزين عايزين يسيبوا بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله ما بيجي تاني امسكو فيه مهما حصل اكيد هنطلع ونتكلم بس ادونا شوية فرصتنا مع بعض بعيد عن الأضواء وعاوزة دعوة حلوة لينا أرجوكم".

View this post on Instagram

مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي ... كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ..... ازاي ؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر .... بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا .... ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم 🙏🏻

A post shared by Mai Helmy (@maihelmy.official) on Oct 25, 2018 at 3:47am PDT

يذكر أنه قبل ساعات من انطلاق حفل زفاف مقدمة البرامج مي حلمي والمطرب محمد رشاد، تم إعلان إلغائه، وجاء هذا الخبر صادما لجمهورهما خاصة وأن كل منهما كان نشر صورا له أثناء استعدادهما لحفل الزفاف!

اقرأ أيضا

صورة- مي حلمي تنفي توجيه بيانها لريهام سعيد