محمود العسيلي يوضح وجهة نظره بعد تعرضه للهجوم على مواقع التواصل الاجتماعي

محمد عاشور | فى حياة المشاهير

محمود العسيلي

الخميس , 13 سبتمبر 2018 - 13:58 | اخر تحديث: الخميس , 13 سبتمبر 2018 - 13:58

الساعات الأخيرة شهدت حالة من الهجوم الحاد على الفنان محمود العسيلي بسبب تصيرحاته حول المواهب الشابة التي تعرض عليه أعمال جديدة.

وكتب عسيلي عبر حسابه على Twitter "الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص و يكلمك فجأة على انه متربي معاك وإنكو كنتوا مع بعض في المدرسة و يبعتلك إسهال من الأغاني و سبحان الله كلهم الجو بتاعك ولايقيين عليك وباعتهملك مخصوص .. بلوك مع جزيل الشكر".

الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص و يكلمك فجأة على انه متربي معاك و إنكو كنتوا مع بعض في المدرسة و يبعتلك إسهال من الأغاني و سبحان الله كلهم الجو بتاعك و لايقيين عليك و باعتهملك مخصوص .. بلوك مع جزيل الشكر #اسمع_الخيال_دا_يانجم

— Mahmoud El Esseily (@Esseily) September 12, 2018

وبعد الهجوم الكبير الذي لحق به على مواقع التواصل الاجتماعي من قبل عدد كبير من محبيه ومن بعض الشعراء والملحنين الموجودين على الساحة، عاد العسيلي ليوضح وجهة نظره وما الذي كان يقصده.

بالنسبة للهجوم الرهيب .. للتويتةالسابقة .. و الناس اللي بتسخن على اَي حاجة .. كل اللي اقصده، هم غزو الخصوصية على نمرة تليفوني الشخصية .. شكرًا ..

— Mahmoud El Esseily (@Esseily) September 12, 2018

وتابع أيضا:

"١- واضح من رد الفعل على التويتة الأخيرة ان الناس مبتفهمش يعني ايه خصوصية بني آدم ومش فاهمين بردو الفئة اللي أنا باتكلم عليها من الناس اللي بتطاردك على تليفونك والواتس اب بتاعك بشكل جنوني وطلعت أنا جالد المواهب الشابة ومغرور و تنك وشايف نفسي ومدعي ( يتبع)".

١-
واضح من رد الفعل على التويتة الأخيرة ان
الناس مبتفهمش يعني ايه خصوصية بني آدم و مش فاهمين بردو الفئة اللي انا باتكلم عليها من الناس اللي بتطاردك على تليفونك و الواتس اب بتاعك بشكل جنوني و طلعت انا جالد المواهب الشابة و مغرور و تنك و شايف نفسي و مدعي ( يتبع) #يتبع

— Mahmoud El Esseily (@Esseily) September 13, 2018

"٢- كتير نصحوني أني ماردش خصوصا بعد الكم الرهيب من قلة الأدب والسفالة والسواد اللي شوفتو في الريبلايز.. عمر ما كان الجري ورا حلمك ويخليك تعترض خصوصية غيرك بالشكل دا.. و دا اللي خلاني اكتب التويتة الأولانية.. عارف أن الموضوع صعب بس في طرق تانية توصلك".

٢-
و كتير نصحوني أني ماردش خصوصا بعد الكم الرهيب من قلة الأدب و السفالة و السواد اللي شوفتو في الريبلايز .. عمر ما كان الجري ورا حلمك ويخليك تعترض خصوصية غيرك بالشكل دا.. و دا اللي خلاني اكتب التويتة الأولانية .. عارف ان الموضوع صعب بس في طرق تانية توصلك

— Mahmoud El Esseily (@Esseily) September 13, 2018

"٣- و الحمد لله رب العالمين انا اَي حد موهوب بجد و بيوصلي شغله بطريقة محترمة لجد بحاول أساعده و أقوله رايي و اشوفله سكك مختلفة حتى لو شغله مش مناسبني فنيا .. وعلى فكرة المايل بتاعي موجود و بارد عليه وحطه هنا وعلى الإنستجرام وشكرا".

٣- و الحمد لله رب العالمين انا اَي حد موهوب بجد و بيوصلي شغله بطريقة محترمة لجد بحاول أساعده و أقوله رايي و اشوفله سكك مختلفة حتى لو شغله مش مناسبني فنيا ..
و على فكرة المايل بتاعي موجود و بارد عليه و حطه هنا و على الإنستجرام و شكرًا

— Mahmoud El Esseily (@Esseily) September 13, 2018

ومن ناحية أخرى، أعلن عسيلي وهيد عن وجود عمل بالفعل يجمع بينهما للدعاية لأحد المنتجات عبر حساباتهما في مواقع التواصل الاجتماعي.

https://t.co/Ux3KxNVuLq
غير إن أنا أصلا من أشد المعجبين بيه على المستوى الفني كان شرف ليا إني اشتغل معاه و نطلع الاغنية ذي مع بعض
أغنيتي الجديدة مع @Amir3id #طلع_الحلو_وبس

— Mahmoud El Esseily (@Esseily) September 7, 2018

يذكر أن محمود العسيلي طرح مؤخرا أغنية بعنوان "حلم بعيد"، من كلمات أمير طعيمة، ومن ألحان محمود العسيلي، وتوزيع علي فتح الله، وهي من إخراج إبراهيم حدرج.

اقرأ أيضا

محمود العسيلي يدعم محمد صلاح في أزمته مع اتحاد كرة القدم المصري

بالفيديو- هل تعاطى أمير عيد المخدرات؟ المطرب يجيب