أيتن عامر بعد عرض الحلقة الأولي من مسلسل "أيوب": بلاش تشتموني

رحيم ترك | فى سينما وتلفزيون

آيتن عامر

الخميس , 17 مايو 2018 - 11:02 | اخر تحديث: الخميس , 17 مايو 2018 - 11:02

عرضت اليوم الخميس الحلقة الأولى من مسلسل "أيوب" بطولة مصطفى شعبان وأيتن عامر، عبر شاشة قناة الحياة.

مع بداية انطلاق الأحداث ظهرت أيتن عامر بدور "سماح" وهي شقيقة "أيوب" أو مصطفى شعبان، وهي فتاة قاسية القلب بدرجة كبيرة وانتهازيه ولا تكترث لأحد سوى لنفسها ومصالحها فقط، حتى أنها أقامت حفل زفافها في الوقت الذي قبضت الشرطة فيه على شقيقها الذي يعاني من الديون وملاحقة التجار قضائيا له بعدما تعثر في سداد 40 ألف جنية تكاليف زواجها.

نظرا لقبح وقساوة شخصية "سماح" وجهت أيتن عامر، رسالة لجمهورها بعد عرض الحلقة الأولى وكتب عبر حسابها على Instagram، "انا بتابع كل تعليقاتكوا و مهتمة جداً اعرف رأيكوا فى تطور الشخصية فوق ما انتوا متصورين، كنت مرعوبة اقبل الدور دة لانى كنت عارفة أن الناس مش هتبطل شتيمة فى سماح لحد اخر حلقة و دة طبعا لان الدور فيه قساوة قلب و غباوة موردتش و كنت خايفة تكرهونى".

وتابعت "بس اللى شجعنى رصيدى الكبير اللى عندكوا اللى بحسة فى مقابلتكوا ليا فى الشارع او فى تعليقاتكوا، مبسوطة برد الفعل و يا رب ابقى دايما عن حسن ظنكوا ❤️ شكرا لكل المتابعين"

وأضافت "و يا ريت متشتموش جامد و الدعاوى تبقى على سماح مش ايتن عشان مفيش دعوة تلبس فيا بالغلط".

انا بتابع كل تعليقاتكوا و مهتمة جداً اعرف رأيكوا فى تطور الشخصية فوق ما انتوا متصورين ، كنت مرعوبة اقبل الدور دة لانى كنت عارفة ان الناس مش هتبطل شتيمة فى سماح لحد اخر حلقة و دة طبعا لان الدور فيه قساوة قلب و غباوة موردتش و كنت خايفة تكرهونى 😭، بس اللى شجعنى رصيدى الكبير اللى عندكوا اللى بحسة فى مقابلتكوا ليا فى الشارع او فى تعليقاتكوا ، مبسوطة برد الفعل و يا رب ابقى دايما عن حسن ظنكوا ❤️ شكرا لكل المتابعين ، و يا ريت متشتموش جامد و الدعاوى تبقى على سماح مش ايتن عشان مفيش دعوة تلبس فيا بالغلط #نركز_يا_جماعة 😂 #ايوب #ايتن_عامر #سماح_جيالكوا

A post shared by Ayten Amer (@aytenamer) on May 16, 2018 at 5:36pm PDT

يجسد مصطفى شعبان خلال العمل شخصية موظف في أحد البنوك يدعى "أيوب"، يتعرض لظلم كبير ويدخل السجن بسبب وقوعه في ورطة أثناء عمله.

وحينما يخرج من السجن يخطط للانتقام ويتحول إلى نصاب كبير، إذ يسرق البنك الذي كان يعمل به، فيما تجسد أيتن عامر دور شقيقته خلال الأحداث، بينما تظهر هنا الزاهد في شخصية ابنة عمته، وسلوى عثمان في دور عمته، كما تجسد الفنانة ميرهان حسين دور زوجته، والمسلسل من تأليف محمد سيد بشير، وإنتاج تامر مرسى، وإخراج أحمد صالح.

اقرأ أيضا

رياض الخولي يمدح الاخوان ويتهم النظام السابق بالفساد في الحلقة الثانية من "سلسال الدم"

تعرف على موعد عرض مسلسل عادل إمام "عوالم خفية" على CBC