بالفيديو - حمزة نمرة يطرح أجدد أغانيه المصورة "داري يا قلبي".. هذه كلماتها

مي فهمي | فى موسيقى وحفلات

حمزة نمرة

السبت , 10 فبراير 2018 - 13:40 | اخر تحديث: السبت , 10 فبراير 2018 - 13:40

طرح المطرب حمزة نمرة أحدث أغانيه "داري يا قلبي" بطريقة الفيديو كليب عبر قناته الرسمية على موقع YouTube.

أغنية "داري ياقلبي" من ألبوم "هطير من تاني" الذي يستعد حمزة نمرة لطرحه في الأسواق قريباً.

وكان حمزة أوضح لـFilFan.com إنه يستعد لطرح الألبوم قريبا وتحديدا مع مطلع شهر مارس المقبل.

وكشف حمزة نمرة أن الألبوم سيضم 8 أغنيات جديدة، وسيكون أول إنتاج لشركته الخاصة التي أسسها أخيرا، التي سيتم الكشف عن جميع تفاصيلها قريبا.

وعن أغاني الألبوم وفريق العمل المشارك فيه، أوضح الفنان المصري حمزة نمرة أنه يتعاون في الألبوم مع الشعراء محمود فاروق وحازم ويفي ومحمد السيد، وأنه لحن لنفسه جميع أغاني الألبوم عدا أغنية واحدة لحنها الفنان والموزع الموسيقي كريم عبد الوهاب، وأن جميع الأغاني من توزيع حمزة نمرة وكريم عبد الوهاب، وأن أعمال الميكساج والماستر الخاصة بالألبوم ستتم خارج مصر وتحديدا في إحدى الدول الأوروبية.

كلمات أغنية "داري ياقلبي"

مالك مش باين ليه قلبك تايه من مدة كبيرة

خايف تتكلم ليه في عيونك حيرة وحكاوي كتيرة

متغير ياما عن زمان قافل علي قلبك البيبان

حبيت وفرقت كام مكان عايش جواك

احساسك كل يوم يقل وتخطي وخطوتك تذل

من كتر ما احبطوك تمل فين تلقي دواك

بتودع حلم كل يوم تستفرد بيك الهموم

وكله كوم والغربة كوم والجرح كبير

مبتديش حاجة اهتمام اهلا اهلا سلام سلام

بقي طبعك قلت الكلام ومفيش تفسير

داري داري يا قلبي مهما تداري

قصاد الناس حزننا مكشوف

وهو عادي عادي محدش في الدنيادي

بيتعلق بشئ الا وفراقه يشوف

كل اللي معاك في الصورة غاب

وطنك والأهل والصحاب

كم واحد ودع وساب من غير أسباب

شايف في عينيك نظرة حنين

بتحن لمين ولا مين

طول عمرها ماشية السنين والناس ركاب

مع دقة عقرب الساعات

بتموت جوانا ذكريات

عشمنا قلوبنا باللي فات ونسينا نعيش

كان مكتوب نمشي الطريق

ونفارق كل مدى شيئ اتسرق العمر بالبطيء

ورسي على مافيش وداري داري

اقرأ أيضاً

حمزة نمرة يعود للجمهور بألبوم جديد.. تعرف على تفاصيله وموعد طرحه

حمزة نمرة لـ"كايروكي": موفقين يا جدعان