بالفيديو- حسن الرداد يوضح كيف تحسنت حالة طفل بعد زيارته له.. يعده بالتمثيل معه في رمضان

رحيم ترك | فى حياة المشاهير

حسن الرداد

الأحد , 1 أكتوبر 2017 - 10:47 | اخر تحديث: الأحد , 1 أكتوبر 2017 - 10:47

أوفى الممثل حسن الرداد بوعده للطفل محمد الذي تمنى مقابلته، إذ زاره في مستشفى 57357 لسرطان الأطفال أخيرا، وأكد أن حالته الصحية تحسنت، بعد أن كان يعاني من نقص شديد في المناعة قبل هذه الزيارة.

وشارك حسن الرداد مقطع فيديو أثناء تواجده مع الطفل محمد في المستشفى، ووعده بالتمثيل معه في مسلسله الرمضاني المقبل، وكتب عبر حسابه على Instagram: "من زيارتى لمستشفى#٥٧٣٥٧ اليوم مع أجمل طفل في العالم".

@mohmedalpop من زيارتى لمستشفى#٥٧٣٥٧ اليوم مع اجمل طفل فى العالم😘😘😘😘😘😘😘😘😘😘😘😘😘😘😘

A post shared by Hassan El Raddad (@hassanelraddad) on Sep 30, 2017 at 3:44pm PDT

@mohmedalpop النهاردة روحت مستشفى #٥٧٣٥٧، بعد ما كلمنى صديق ماشفتوش من ٧ سنين اسمه #خالد الشرقاوي ، و قالى ان فى طفل اسمه #محمد ، بيحبك جدا و عايز يشوفك و المناعة عنده ٣٠٠ فقط ( و دى طبعا قليلة جدا) و بعت لى ڤيديو و لما رديت عليه بڤيديو المناعة عنده زادت ل ٣٥٠٠ و النهاردة المناعة بتاعته وصلت ل٤٥٠٠💪 بعد ما الدكاترة كانوا بيقولوا كلام علميا عكس كدة،لما روحت و قابلته شفت ولد ماشاء الله زى القمر، ذكى جدا ، فاهم فى حاجات كتير اكبر من سنه و بيحتوي اللى حواليه، دمه خفيف جدا و موهوب، لماح بشكل مش طبيعى أتكلم معايا فى حاجات كتيرة انا مش عارف هو فاهم فيها ازاى، ماشاء الله عقله اكبر من سنه بكتير تخس ان عندك ٢٠ سنه و اكتر ،انا اتعلمت منه حاجات كتير النهاردة ، اتعلمت الإيمان و الصبر على الابتلاء و مواجهة المشاكل بالابتسامة و الرضا الشديد بقضاء ربنا و الطاقة الإيجابية اللى بيديها لكل اللى حواليه، اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه فاياريت الاهالى يفهموا اطفالهم ان دى قلة أدب 😡، يا #محمد انا بحبك جدا جدا، ربنا يشفيك يا حبيبى انت و كل اطفالنا و ان شاء الله هتيجى تمثل معايا فى رمضان زى ما وعدتك 😄، و شكرا على الهدية الجميلة دى، هجيلك تانى قريب❤️❤️❤️❤️😘😘😘😘😘😘🌹🌹🌹🌹🌹، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى.

A post shared by Hassan El Raddad (@hassanelraddad) on Sep 30, 2017 at 5:10pm PDT

وكان حسن الرداد وعد الطفل محمد بزيارته في المستشفى، بعدما شاهد مقطع فيديو له، والذي أكد فيه أنه يرغب في مقابلته.

يا #محمد، انا مبسوط جدا جدا بالفيديو ده و مبسوط انك عايز تشوفنى، انا كمان عايز اشوفك اكتر، انت ماشاء الله زى القمر و سلامتك الف سلامك، ان شاء الله هتخف و هتبقى زى الحديد يا حبيبى.😘😘😘😘😘🌹🌹🌹🌹🌹💪👏💪💪💪💪💪👏👏👏#مستشفى#٥٧٣٥٧

A post shared by Hassan El Raddad (@hassanelraddad) on Sep 28, 2017 at 2:09am PDT

إقرأ أيضا

خالد يوسف مداعبا حسن الرداد في مؤتمر "كارما": لازم يسلم على حماته وإلا..

بالصور- كواليس حسن الرداد وماجد المصري وهنا الزاهد وبيتر ميمي في "عقدة الخواجة"