حسن الرداد يوجه رسالة لعمرو يوسف بعد شائعة المخدرات.. هذا رأيه به

محرر FilFan | فى حياة المشاهير

حسن الرداد

الاثنين , 21 أغسطس 2017 - 23:08

عبر الممثل حسن الرداد عن غضبه من الشائعات التي كانت انتشرت منذ أيام حول القاء القبض على زميله عمرو يوسف وكندة علوش بتهمة حيازة المخدرات.

وقال حسن الرداد عبر حسابه بموقع Instagram إنه رغم مرور أيام على هذه الشائعات إلا أنه ما زال يشعر بالغضب من الأخبار الملفقة التي تنشر حول الفنانين، والتي ينشرها بعض من يكتبون بالمواقع والصحف، وهو ما يجعل من سمعة الفنان مباحة لأي شخص.

@amryoussefofficial @kindalloush عايز اشكر الصحفيين المحترمين اللى بيراعوا ضميرهم و بيحترموا شرف مهنتهم و لم يتناولوا الخبر الكاذب الملفق اللى تداولته بعض المواقع عن الزميل و الأخ و الصاحب و النجم#عمرو يوسف و زوجته، طبعا الخبر اتنفى و كل حاجة، لكن هو بقى اى حد عايز يكتب اى حاجة يكتبها لمجرد انه شغال فى جريدة او موقع إلكتروني؟، هل الفنان مباح انه يتلفق له اى خبر لمجرد انه مشهور عشان الجريدة او الموقع يعمل (فرقعة صحفية)، #عمرو يوسف من أنقى و أطيب و اكثر الناس احتراما و اخلاقا هو و زوجته العزيزة، مش بقول الكلام ده عشانه صاحبى، لكن الموضوع اكبر من مجرد خبر خايب نزل عن #عمرو و زوجته المحترمة النجمة #كنده علوش ، كدة بقى اى حد عايز يكتب عن اى فنان اى تهمة يكتب براحته و يحاول يشوه سمعته على مزاجه ،عشان كدة لازم محاسبة كاتب هذا الخبر حتى يكون عبرة لغيره، لانه فى البداية يسئ الى الصحفيين المحترمين الشرفاء اللى بنحترمهم جدا قبل ان يسئ للفنان المنسوب اليه الخبر، و عايز اقول للمحترم الخلوق#عمرو يوسف ، معلش ضريبة الشهرة يا صاحبى.💪💪💪

A post shared by Hassan El Raddad (@hassanelraddad) on Aug 21, 2017 at 6:34am PDT

وقال حسن الرداد إن عمرو يوسف من أنقى وأطيب وأكثر الناس احتراما واخلاقا هو وزوجته العزيزة، والموضوع أكبر من مجرد خبر خائب، لذا لا بد من محاسبة كاتب هذا الخبر حتى يكون عبرة لغيره.

ووجه حسن الرداد رسالة إلى عمرو يوسف قال له فيها: معلش ضريبة الشهرة يا صاحبي.