مي كساب: أوكا ضحية طيبته وسذاجته وتعليمه المتواضع

نهال ناصر | فى حياة المشاهير

مي كساب

الأحد , 2 أبريل 2017 - 10:18 | اخر تحديث: الأحد , 2 أبريل 2017 - 16:59

تعيش الفنانة مي كساب فترة صعبة، بعدما تمّ إلقاء القبض على زوجها أوكا وصديقه أورتيجا، بعد أن ذكرت تقارير أن السبب هو قيامهما بتزوير بعض الأوراق بخصوص موقفهما من التجنيد.

وتوجّهت مي كساب برسائل عبر حساباتها على مواقع التواصل الاجتماعي لجمهورها، وكل من يتابعها ويهتم بقضية زوجها.

وشاركت مي صورة عبر حسابها على Instagram لرسمة لأوكا وأورتيجا، مع وسم يحمل اسم "أوكا وأورتيجا مظلومين"، وتعليقا على الصورة كتبت لتقول إنها تعيش فترة صعبة، ليس الآن فحسب، بل في السنوات الأخيرة منذ علمها بمرض والدتها بالسرطان، مرورا بوفاتها وأحداث أخرى.

وأكدت مي أن هذه الفترة هي الأصعب في حياتها، ليس لأن زوجها وحبيبها في محنة، ولكن لأنها تعلم أنه مظلوم، وأنه ضحية لطيبته ولتعليمه المتواضع، والذي جعله يصدق أشخاصا ووعودا كاذبة.

وكتبت مي كساب لجمهورها: "كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعه كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح انا مريت بظروف صعبه كتير في حياتي بس للأسف بقالي ٤ سنين مش باشوف يومين حلوين علي بعض انا باعيش اقسي ايام حياتي من يوم ١/١٢/٢٠١٢ يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متاكده انه مظلوم متاكده انه ضحيه طيبته وسذاجته وللاسف ضحيه تعليمه المتواضع الضحل ضحيه ثقته الزياده عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه طبعا لما باتكلم عن محمد كأني باتكلم عن احمد كمان #اوكا_واورتيجا روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عداله القضاء العسكري كبيره انه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم اقسم بالله العلي العظيم".

كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعه كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح انا مريت بظروف صعبه كتير في حياتي بس للأسف بقالي ٤ سنين مش باشوف يومين حلوين علي بعض انا باعيش اقسي ايام حياتي من يوم ١/١٢/٢٠١٢ يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متاكده انه مظلوم متاكده انه ضحيه طيبته وسذاجته وللاسف ضحيه تعليمه المتواضع الضحل ضحيه ثقته الزياده عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه طبعا لما باتكلم عن محمد كأني باتكلم عن احمد كمان #اوكا_واورتيجا روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عداله القضاء العسكري كبيره انه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم اقسم بالله العلي العظيم #اوكا_واورتيجا_مظلومين

A post shared by Maiikassabofficial (om Farida) (@maiikassabofficial) on Apr 1, 2017 at 11:48pm PDT

وكانت مي كساب اتهمت مدير أعمال زوجها بأنه من قام بتزوير الأوراق بتوكيل عام لديه، وأنه زوّر ورق مدني وليس عسكري.

وهم ليسو متهربين من الخدمه العسكرية مدير أعمالهم كان معاه توكيل عام منهم وهوه المزور في ورق مدني وليس عسكري من فضلكم اعرفو الحقيقه الاول
— Mai Kassab (@MaiiKassab) March 31, 2017