تعرض منزل المذيعة زهرة رامي للسرقة بالكامل

يارا عماد | فى حياة المشاهير

زهرة رامي

السبت , 25 مارس 2017 - 16:03 | اخر تحديث: السبت , 25 مارس 2017 - 16:03

تعرض منزل المذيعة زهرة رامي أمس الجمعة للسرقة أثناء تواجد الجميع بالخارج، ولكنها طمأنت جمهورها ومحبيها عليها وعلى عائلتها.

وروت زهرة ما حدث معها من خلال حسابها الشخصي على موقع التواصل الاجتماعي Facebook، وطمأنت كل محبيها أولا عليها ثم ظلت تتساءل عن ماذا كان سيحدث إذا كان أحد من عائلتها متواجدا بالمنزل.

وكتبت: "بعد ٢٤ ساعه مش فاهمه حاجه، احساس الخضه والرعب ربنا ما يكتبه على حد.. الحمد الله اننا بخير و مليون سيناريو فى دماغى من امبارح ! لو مامى كانت لوحدها! لو شهد كانت جوه ! لو احمد كان لوحده! لو كلنا كنا موجودين!".

"و أقول الحمدالله.. اللغز اللى مش عارفين نحله لحد دلوقتى هو خرج و دخل منين !! مافيش أثر لحاجه مكسوره! و الباب كان متشنكل من جوه، و هو اللى عامل كده! طلع منين!! ماعرفش و ده المرعب أكتر!!!".

"طبعا النجده مش بترد وبعد محاولات للوصول لحد فى الشرطه يجى يشوفنا!جه أمين الشرطه بص كده وقلناله ان لينا جار عنده كاميرا، طلب نشوفها وفعلا كان فيه مشتبه به والست جارتنا بكل براءه وصدق وأمل قالت "الحمد الله، برده ساعة أحداث الكتدرائيه جابو الفاعل من الكاميرا".

"أمين الشرطه بكل ثبات انفعالى " لأ ده كان حدث مهم "!!! :) و امبارح كان الخميس بليل فماكنش ينفع حد يرفع بصمات، والجمعه أجازه 😄 فهيجوا بكره ان شاء الله :)".

احنا مش عارفين ننام .. أنا قعدت أهزر مع شهد و أنا مرعوبه من جوايا و مصدومه من فكرة ان فى ناس انتهكوا خصوصيتى للدرجه دى! و بالسهوله دى ! رغم كل الاحطياطات الواجبه اللى عملنها ! البيت مقلوب و الدواليب على الارض ! ".

"بس فى عز كل ده! مامى صرخت و عيطت و بتتكلم مع ضابط فى التليفون قالتله "كل حاجه ! كل حاجه يا فندم ! حتى الصور ال pictures " 😂اه والله ! اتقلبنا يا جماعه!".

"خلو بالكوا من نفسموا عشان الحق مابقاش يرجع .. خلصانه بندامه و قهره و زعل! مواطنه مصريه عايشه فى مصر".

اقرأ أيضا

بعد أيام من استبعاد زهرة رامي من "راديو هيتس".. عايدة سعودي تلحق بها

بالفيديو- تعرف على رأي عائلة رأفت الهجان في المسلسل الشهير.. كل هذا غير حقيقي

بالفيديو- تعرف على وعود مخرج "الأب الروحي" قبل عرضه.. هل تحققت؟