أبرز 18 تصريحا لـ دنيا سمير غانم في "عيش الليلة": ماما هزقتني بسبب "كايلا" ودي أكبر مشاكل إيمي مع حسن الرداد و وهذا طلبي من المصباح السحري

نهال ناصر | فى حياة المشاهير

دنيا سمير غانم

الجمعة , 10 مارس 2017 - 14:13 | اخر تحديث: الجمعة , 10 مارس 2017 - 14:30

حلت الفنانة دنيا سمير غانم ضيفة في برنامج "عيش الليلة" مع أشرف عبد الباقي والمذاع عبر شاشة "dmc".

ويقدم موقع FilFan.com أبرز 18 تصريحا لـ دنيا سمير غانم خلال البرنامج.

1- وأنا طفلة صغيرة كنت شقية وإيمي كانت هادية والآن الوضع انعكس أصبحت هادئة وإيمي المتكلمه.

2- درست الإعلام ولم أحب أن أدرس التمثيل وفضلت أن اكتشف كل شئ بالتجربة وليس بالدراسة.

3- أول فيلم مثلت فيه كنت طفلة صغيرة وكان تمثيلي كارثي.

4-كنت فاكرة إني هعقل بعد الجواز والأمومة ولكن العكس ما حدث والبيت بيتحول لأرجوزات علشان نسكت "كايلا".

5- بعرف أطبخ حاجات ومشكلتي إن رامي بيفهم في الأكل وبيعرف عملت إيه غلط، واتعلمت الطبخ من خالتي وعمتي وحماتي.

6- أول مرة غنيت فيها كانت في المدرسة وأول من أكتشفتي في الحضانة معلمتي.

7- ابنتي تحب الغناء ولكنها خافت تغني في حفلة الحضانة وأحرجتني.

8- ماما هزقتني بسبب "كايلا" علشان اتأخرت عن الحفل وقعدت في صف متأخر وهي مشافتنيش.

9- اخترت اسم "كايلا" من الإنترنت ومعنى اسمها "تاج" بالإفريقي.

10- بتخانق مع إيمي من وإحنا صغيرين ولحد دلوقتي بس خناقاتنا بتضحك.

11- مشاكل إيمي في حياتها هي "الكلاب" ودا سبب أول مشاكلها مع حسن الرداد لأنه مش بيحبهم.

12- أول مسلسل ليا "للعدالة وجوه كثيرة" وكان دور صعب وكان عمري 16 سنة، وأول فيلم ليا "يا أنا يا خالتي".

13- بحب مسلسلي "لهفة" و"نيللي وشريهان" كثيرا.

14- اتعلمت الصعيدي في شخصية "هدية" في "الكبير أوي" كان عندي مدرس علمني اللهجة وبابا علمني نطق حرف "الطاء".

15- مرات خالي مغربية وساعدتني في اللهجة المغربية لدوري في "لا تراجع ولا استسلام".

16- لو معايا مصباح سحري هطلب منه شيكولاتة وأعمل فيلم 3D للأطفال وإني أشوف كل أطفال العالم سعداء.

17- وأنا بنيم بنتي بغني أي كلام، وبابا بيحبها جدا وبيفضل يلعب معاها ويعمل لها أصوات، وتقبل اسمها بسهولة.

18- أغنية "قصة شتا" حققت نجاح كبير وكنت تاني مطربة في العالم في المشاهدات بعد "مايلي سايرس".

اقرأ أيضا:

منع دنيا سمير غانم من نشر Selfie من كواليس "الضايعين"

دنيا سمير غانم تحذر متابعيها من حساب زوجها على Instagram

#شرطة_الموضة: دنيا سمير غانم تبتعد عن ألوان المكياج البريء