مي كساب تكشف عن إصابة ابنتها بعد سقوطها

نهال ناصر | فى حياة المشاهير

مي كساب

الثلاثاء , 7 مارس 2017 - 13:58 | اخر تحديث: الثلاثاء , 7 مارس 2017 - 13:58

دائما ما تشارك الفنانة مي كساب جمهورها بعض المواقف من حياتها، خصوصا تلك التي تمر بها في سنة أولى أمومة، وكان آخرها تفاصيل يوم صعب مرت به، بعد سقوط ابنتها فريدة على الأرض.

وشاركت مي كساب صورة لآية قرآنية عبر حسابها على Instagram، وعقّبت عليها في البداية مؤكدة أنها لم تكن ترغب في الحديث عما جرى، ولكنها تعتبر جمهورها عائلتها، وتحب وتحترم ما يكتبوه لها من تعليقات، فحكت أولا عن شعورها وقت وفاة والدتها، وأنها مرت بفترة نفسية سيئة، وأنها كانت تشعر أنها سببا فيما مرت به والدتها، ولكن هذا الشعور انتهى، ولكنه عاد لها من جديد بعد الذي حدث مع ابنتها.

وتابعت مي كساب، لتحكي أنها كانت ذاهبة لحديقة منزلها لتجلس هي وابنتها في الشمس قليلا، ولكن انكسرت يد الكرسي الذي كانت تجلس عليه، وتسقط من يدها ابنتها الصغيرة وتتعرّض لإصابة كسر في عظمة الترقوة، لتشعر مي وقتها أنها المذنبة، فكيف ستتحمل ابنتها الآلم، ولكن نظرة من عين ابنتها لها خففت عنها كل شيء.

ما كنتش عاوزه اكتب اي حاجه ولا أتكلم بس اتعودت إنكم جزء مني بافرغ اللي جوايا معاكم وبافرح بكلامكم الحلو اللي بيديني كل الطاقه الإيجابية اللي بتخليني قادره اكمل في الحياه امبارح كان يوم وحش قوووي اصعب من يوم وفاه امي اول مره هاقول الكلام ده في حياتي لما امي ماتت فضلت تعبانه نفسيا جدا وحاسه ان انا السبب انا اللي أخدتها واديتها الإشعاع وفضلت عايشه كتير بالإحساس ده بس الحمد لله ربنا كان حاضني جدا واداني إشارات كتير قوي تبرد قلبي وانا الحمد لله جريت ع الكعبه عشان أبرد قلبي وعملت عمره لامي وهديت خالص وقلت انا لله وانا اليه راجعون ده عمرها وانتهي لحد هنا امبارح كنت شايله فريده مشيت بيها بالظبط متر من الريسيبشن للجنينه كنت عاوزه اقعدها في الشمس راحت أيد الكرسي مفكوكه ووقعت ع الارض عشت اسود يوم في حياتي كنت حاسه كأني مجرمه مذنبه قلبي مش قادره أوصف عامل ازاي عينيه ما بتنشفش من الدموع عندها كسر في عضمه الترقوه يا قلب امك طب دي هتستحمل ازاي هانام ازاي الليل هيعدي علينا ازاي بس الف حمد وشكر لله عدي الليل وربنا رحمته واسعه الحمد لله قل لن يصيبنا الا ما كتب الله لنا ربنا يحفظ اولادنا الضنا غالي قوي الله يرحمك يا امي ربنا يقوي كل الأمهات والابهات علي تربيه ولادهم والحفاظ عليهم ربنا يقدرني ويحفظلي بنتي ويخفف عنها الالم بصتلي بصه امبارح بالدنيا كلها كأنها بتتكلم وبتقول لا يا ماما ما تعيطيش انا هابقي كويسه ربنا يحفظك يا نور عين ماما ربنا يرزق كل مشتاق #مي_كساب #عيد_الام #حبيبه_قلبي

A post shared by Maiikassabofficial (om Farida) (@maiikassabofficial) on Mar 7, 2017 at 2:34am PST

ورُزقت مي كساب بابنتها الأولى فريدة من زوجها مطرب المهرجانات أوكا في شهر ديسمبر الماضي.

إقرأ أيضا:

مي كساب تستعيد ذكرياتها بهذه الصورة مع تامر حسني: أنا من هذا الجيل

بالصور- مي كساب في كواليس أول عمل فني لها بعد الإنجاب

مي كساب تكشف عن دورها في مسلسل "سبع صنايع"