محمد عطية ينتقد فيلم "تيتانك بالمصري" ويوضح "مسروق من على الفيس بوك" .. وصاحب الفكرة يرد

مي فهمي | فى سينما وتلفزيون

تيتانك بالمصري

الثلاثاء , 13 سبتمبر 2016 - 17:26 | اخر تحديث: الثلاثاء , 13 سبتمبر 2016 - 19:31

انتقد محمد عطية نجم ستار أكاديمى الموسم الأول "فيلم تيتانك بالمصري" أول فيلم مصري على الإنترنت مؤكداً سرقته من إحدى صفحات موقع Facebook معبرا عن استياءه من عدم ذكر اسم الشخص صاحب الفكرة.

وكتب عطية عبر صفحته الرسمية على موقع لتواصل الأجتماعى Facebook "مع كامل اإحترامي لطقم عمل فيلم تايتنك المصري و ما يحسب له من إنه أول فيلم مصري علي الإنترنت ومش هتكلم في الفيلم حلو ولا وحش لكن هتكلم في حق أدبي لخالد مختار اللي مسروق منه في الفيلم جمل و أفكار زي ما هي بالظبط من صفحته تمت الترجمة أسلوب مش محترم بالمرة عدم الاعتراف حتي أو الإستئذان منه زي بالظبط اللي بيسرق بوست علي الفيس بوك ومايكتبش منقول حتي عشان يجمع لايكات أكتر، رخص فكري"

من ناحية أخرى كتب خالد مختار الذي يؤكد امتلاكه لفكرة الفيلم "أحب في البداية أشكر ربنا إني متفقتش على بيع اسكريبت أالبوم تيتانيك لشركة digisay أو تم اضافتة لاسكريبت شادي سرور اللي مافيش فيه أي اسكريبت أساسًا ولا حتي ينفع يبقى شات بين اتنين عندهم 14 سنة علي فيسبوك بس للأسف برضو السرقة والحك في أي حاجة ناجحة علي سوشيال ميديا ده مبدأ عند الشخصية الملزقة اللي اسمها شادي سرور ودي مش أول مره يسرق ويحك في شغل ناس تانية وبرغم رفضي التام بأنهم يخدوا حاجة من شغلي برضو وبكل بجاحة سرقوا أربع حاجات من الألبوم في الفيلم اللي المفروض كوميدي ده واخدين كوميك قديم كنت عامله 2013 وسارقين 3 حاجات تانين من الألبوم وده شغل لوي دراع قديم أوي في تاريخ الصفحة ... بسبب أداء بشرى وهي بتقول هارجع وحياة أبوك يا شاك ولا وهو بيقول "الدنيا ساكعة دلوئتي" بصوته المستفز ده غير أن من وسط مليون مهرجان اختاروا المهرجان اللي جيه في بالي وانا بكتب اسكريبت الألبوم بتاعي غير أن فكرة تصوير الألبوم مكتوبة ومتسجله وللأسف لو جبت صورته دلوقتي هيقولك بيقلد شادي سرور! ما علينا أنا بس عايز اقولهم أنا لا هاروح أرفع قضية عليكوا ولا هوجع دماغي عشان خاطر كام إفيه اتسرقوا من شغلي وشركة تشجعه علي سرقة الأفكار من السوشيال ميديا وتكسب من وراه فلوس وكفاية عليكوا إنكوا شوفتوا بعينكم أسوأ رد فعل على "كونتينت" إنترنت في التاريخ، مبروك"

اقرأ أيضاً

بالصور- بشرى وشادي سرور في النسخة المصرية من "تيتانك"

بالفيديو- بشرى تطرح برومو فيلم "تيتانك" النسخة العربية"

الأربعاء.. عودة "تيتانك" إلى مصر