نشوى مصطفى تعليقا على أزمة الدولار: أنا مصدقة في الرئيس.. نصوم طول السنة وتحيا مصر

محرر FilFan | فى حياة المشاهير

نشوى مصطفى

الثلاثاء , 26 يوليو 2016 - 04:20 | اخر تحديث: الثلاثاء , 26 يوليو 2016 - 04:20

علقت نشوى مصطفى على أزمة ارتفاع سعر صرف الدولار في مقابل الجنية المصري بالسوق السوداء، حيث كتبت عبر صفحتها بموقع Facebook أنها تصدق في سياسات الرئيس المصري الذي أنتخبته، وإن البلاد تواجه حربا شديدة، وأنها على استعداد للصوم طوال السنة.

وكتبت نشوى مصطفى:
بمناسبة الناس اللي بيندبوا علشان سعر صرف الدولار وعلشن اقتصادنا الى فى النازل وعلشان الناس اللي مش لاقية تاكل، طيب خدوا منى الكلمتين دول، زمان كنا بنقف طابور فى الجمعية علشان ناخد فرخة على بطاقة التموين، لكل اسره فرخة واحدةـ وكنتا بتشوف واسطة او ندفع رشوة علشان نجيب اتنين كيلو لحمة جمعية.

زمان كان ابويا بيعمل جمعية فى الشغل مع صحابه علشان يقبضها اول السنة الدراسية علشان مايقدرش يدفع مصاريفنا من مرتبهـ زمان كنت باقدم شهادة فقر علشان اخد كتب الجامعه ببلاش لان مرتب ابويا مابيكفيش، زمان ماكنتش اقدر اشترى هدوم من وسط البلد فكانت امى بتفصل لنا علشان مافيش فلوس.

وأضاف نشوى: كان اقتصادنا طين -- ليه ؟؟ كنا طالعين من حالة حرب، دلوقتى بقى، احنا بنحارب، بنحارب بجد، اللي ليه قريب مجند فى سينا يسأله لو مش عارف، واللي ليه قريب فى السياحة يسأله ليه مافيش سياحة لو مش عارف، واللي ليه قريب كان بيشتغل فى مصنع من مصانع العاشر او ستة اكتوبر يسأله ليه قفلوا المصنع لو مش عارف، واللى عنده نظر يشوف اللي بيخصل حوالينا فى بلاد عربية شقيقه ويركز فى مصيرهم.
وقالت نشوى عبر صحفتها: وأخيراً .. أنا عارفة اننا فى كارثه وبعانى منها زي كل اهل مصر، بس بمنتهى الرجولة حاستحمل، وحاقدر لو الطروف حكمت اصوم طول السنه علشان اكل طقة واحدة لو الظروف حكمت، وحاقدر استحمل ان بنتى تتأخر ترم او حتى سنه دراسية لو ماعنديش مصاريفها، انا ست مصرية، مصرية بجد، انا فى حمى جيش مصر، انا مصدقة فى الرئيس اللي انتخبته بكل ارادتى وباشوف هو بيعمل ايه وولاد الـ... بيحاربوه علشان مصر تبقى زى اللي حواليها، اللي شايف انى تقيلة على قلبه وانى قناعاتى ضد قناعاته وان حبى لبلدى حيضايقه يطلع بره وياخد الباب فى ايده -- وتحيا مصر رغماً عنهم ان شاء الله.

اقرأ أيضا
نشوى مصطفى تهاجم ابنة الإخواني الأولى على الجمهورية وتصفها بابنة القتلة

نشوى مصطفى: تحيا مصر رغم أنف العيال العبيطة الموهومين

نشوى مصطفى لسيدة تحمل بيادة فوق رأسها: بيادتك اطهر من دماغ مدمنى الكافيه لاتيه