بعد 10 سنوات .. ​رامي صبري يتذكر توقيت صدور أول ألبوم له

نهال ناصر | فى حياة المشاهير

رامي صبري

الأربعاء , 13 يوليو 2016 - 12:00 | اخر تحديث: الأربعاء , 13 يوليو 2016 - 12:00

10 سنين مرت على أول ألبوم غنائي يطرحه المطرب رامي صبري ليظهر للجمهور المصري ويبدأ مشوار نجوميته.

وتذكر رامي هذا الوقت خاصة وأن صدور الألبوم الأول له يوافق هذه الأيام، وعبر حسابه في موقع Facebook، عاد رامي بذكرياته للوراء وفضل أن يشكر كل من ساعده في هذا الألبوم ويشكر الجمهور أيضا، فكتب:

"زي اليومين دول فالصيف بردو بس من عشر سنيين ..
نزلي اول البوم ليا ( حبيبي الاولاني ) انا فاكر اليوم ده .. ده من احلي ايام حياتي .. انك تبقي ماشي فالشارع وتسمع اول البوم ليك ومحدش عرفك لسا ولا يعرف حتي اسمك ،، مجهود وتعب سنيين كتير عشان البوم حبيبي الاولاني يطلع بالشكل ده ، في ناس كتير بتقول انه احسن البوم انا عملته ،، بس انا بقول ان كل البوم وليه شكله وحالته الخاصه بيه ،، في ناس وقفت جمبي كتير فالالبوم ده وفي ناس كتير بردو موقفتش جمبي".

وتابع: "طارق العريان اول الناس اللي وقفو جمبي ساعتها اخرجلي 3 كليبات ونزلو مع بعض وده ساعد في نجاح الالبوم وانتشاره بسرعه كبيره وكانت فكره ال 3 كليبات فكره جديده وناس كتيره بعد كده عملت ذيها فا شكرا طارق العريان ،،، من الناس اللي وقفت جمبي بردو صديقي الموزع الكبير طارق توكل ده اول واحد وقف جمبي شكرا طارق توكل ،،،، صديقي الشاعر وائل توفيق بردو وقف جمبي ساعتها وعمللي احلي اغاني عمري ( الف ماشالله .. مش انا .. فرجت الناس عليا ) شكرا وائل توفيق ،،،، صديقي الشاعر العبقري عمر طاهر بردو وقف جمبي وعملي احلي اغنيه حياتي وتمثلني ( حبيبي الاولاني، سكتي ليه ) شكرا عمر طاهر ،،،،، صديقي الشاعر احمد علي موسي بردو وقف معانا وعملي احلي اغاني الدراما فالالبوم (لما انت بتعمل كده فيا ،، لا يا قلبي ) كل الاغاني دي خدت مننا واللهي مجهود بضمير كامل مالوش مقابل عشان كده الاغاني ده وبعد 10 سنيين ولسه عايشه وهتعيش مع الناس".

واختتم رسالته شاكرا الجمهور الذي أحبه وسانده: "اخيرا بشكر الجمهور اللي قدر الشغل ده ،، وبشكر الاستاذ المنتج الكبير محسن جابر علي نزول الالبوم معاه في هذا الوقت علي قناه مزيكا".

آخر ألبومات رامي صبري هو ألبوم "أجمل ليالي عمري" والذي صدر أواخر العام الماضي.

طالع أيضا:

بالفيديو- تامر حسني يعترف: في الفترة الماضية لم أكن راضيا عما أقدمه فنيا
فيديو - غادة عبد الرازق وشقيقتها ترقصان على أنغام "مبحلنهاش"
أحمد سعد يرد على اتهامه بالنصب من قبل منتج إماراتي