طمأنت الممثلة وملكة جمال مصر السابقة إنجي عبد الله جمهورها، بشأن مرض سرطان المخ، الذي أعلنت في شهر فبراير الماضي عن إصابتها به.
وأكدت إنجي عبر حسابها الرسمي على Facebook أنه بعد إجرائها للعديد من الفحوصات في اليابان، تبيّن أن الورم المصابة به حميد وليس خبيث، قائلة في بيانها: "أنا الحمد لله كويسة ومبسوطة أوي علشان عرفت إن الورم الحمد لله مش خبيث، أنا عملت فحوصات كتير هنا في اليابان واللي اتأكدت منه دلوقتي إن مش خبيث لأن حجم الورم متغيرش من شهرين، وفي احتمالات تانية كتير إنه يكون فيروس أو إنفكشن، بس هعرف النتيجه النهائيه كمان أسبوع".
وعن وضعها الصحي الحالي قالت: "أنا دخلت المستشفي لمده أسبوع، عملت فحوصات كتير علي المخ، وعينة من النخاع الشوكي، والله العظيم كل الدكاترة اللي متابعين حالتي هنا مذهولين، في الأشعات باين حجم ورم وكبير في مكان خطر هو جزع المخ اللي ميقدروش يخدوا عينة منه لأنه في مكان خطر، بس أنا معنديش أي أعراض خارجية غير لما أمشي لمدة طويله بفقد الإحساس برجلي وأحيانا بشوف كل حاجه قدامي إتنين، وهما مش عارفين إزاي ده ممكن يحصل، وفعلا شايفني حالة غريبة، لأن الأعراض اللي عندي حاجه بسيطه قدام الأشعات اللي شايفنها".
وتوجهت إنجي عبد الله بالشكر لكل من ساندها في أزمتها الصحية، وفي مقدمتهم زوجها: "بس هقول الحمد لله إن الدعاء اللي اتدعالي من كل الناس اللى حواليا أهلي وأصحابي مسلمين ومسيحيين وحتى بوذيين هنا من لأصحابي في اليابان، والحب والخوف اللي شفته من الناس عليا وحتي جوزي اللي ربنا أكرمني بيه، ووقف جمبي، وكان بيراسل أكبر مستشفيات في لندن وأمريكا لحد الفجر هنا علشان فرق التوقيت بينا، حسيت أنا قد إيه محظوظة، ومكنش فارق معايا إيه ممكن يحصلي كفاية إني شفت الحب ده من كل اللي حواليا، وساعتها كنت بفكر إنه خلاص كلها شوية وقت مش أكتر، بس كنت سعيدة، وعمري حتي ما عيّطت مرة، قلت كلنا لينا وقت وأنا ممكن وقتي جه، بس كفاية إني كنت محظوظة وشفت حب الناس وقد لإيه دي نعمة، بس الحمد لله إني كويسة وفي أمل كبير أوي دلوقتي إنها تطلع حاجه ممكن تتعالج، أنا فعلا بشكر كل اللي حواليا، وحاسة إن كل الدعا اللي اتدعالي فرق كتير، وعندي إيمان إن ممكن يكون غير من حاجة وحشة كانت هتحصلي، بجد شكرا من قلبي، وربنا يحميكوا لاهلكو وكل الناس اللي بيحبوكوا وبتحبوهم. شكرااااا".
انا الحمد لله كويسه ومبسوطه اوى علشان عرفت ان الورم الحمد لله مش خبيث ، انا عملت فحوصات كتير هنا في اليابان واللي اتأكدت...
Posted by Ingy Abdallah on Wednesday, March 30, 2016
وكانت إنجي عبد الله كشفت في شهر فبراير الماضي عن إصابتها بمرض سرطان المخ، وأكدت أنها وصلت إلى مرحلة صعبة من المرض يصعب شفاؤها.
وكانت إنجي أثارت جدلا واسعا في الصيف الماضي بعد زواجها من دبلوماسي تركي وهو القائم بأعمال السفير التركي ألبر بوسوتر وذهابها للعيش في تركيا، في الوقت الذي كان فيه خلافات سياسية وتوتر في العلاقات بين مصر وتركيا.
واتهم البعض إنجي بالخيانة العظمى لأنها تزوجت من مسؤول تركي وستعيش في تركيا في هذا الوقت بالذات.
وإنجي عبد الله هي ممثلة وملكة جمال مصر لعام 1999، بدأت حياتها المهنية كفتاة إعلانات ثم كموديل في بعض الأغاني المصورة، ثم مذيعة بقنوات ART.