بالفيديو- رسالة محمد صبحي لجمهوره "سعيد بتفاعلكم مع صفحتي الرسمية.. وأبحث عن مسرح لعرض مهرجان المسرح للجميع"

نهال ناصر | فى سينما وتلفزيون

محمد صبحي

الأربعاء , 3 فبراير 2016 - 17:02 | اخر تحديث: الأربعاء , 3 فبراير 2016 - 17:02

وجه الفنان محمد صبحي رسالة لجمهوره ومحبيه نشرتها صفحته الرسمية عبر موقع التواصل الاجتماعي Facebook.

وأكد النجم الكبير أن هذه هي الصفحة الرسمية الوحيدة له، كما شكر كل متابعيه على الصفحة على تعليقاتهم الإيجابية والأخلاقية المهذبة.

وبدأ صبحي كلامه بجملته الشهيرة في مسلسل "عائلة ونيس"، "أبنائي أعزائي فلذات أكبادي" ، وقال في رسالته "أبنائي أعزائي فلذات أكبادي زي ما بحب أقولكم، هي دي الصفحة الرسمية، وسعيد جدا بكل الأعضاء المنتمين للصفحة وسعيد بتفاعلكم معاها وآرائكم، وخصوصا تفاعلكم مع برنامج "مفيش مشكلة خالص"".

وتابع "الحقيقة أبهرني آراء كثيرة حتى آراء الأشخاص اللي مش عاجبهم حاجة معينة، كنت ببقى سعيد بالتعبير عن الرأي بالأدب والأخلاق وبوجهة نظر ممكن تقبلها، وبشكر جدا كل اللي تفاعل مع الصفحة بأنه يقول إيه المشاكل اللي نقدمها، وفعلا قدمناها".

وقال الفنان محمد صبحي إنه الآن يعقد بروفات استعدادا لمهرجان المسرح للجميع، ولكنه في مشكلة كبرى لأنه لا يجد مسرح يعرض عليه مسرحياته، كما أكد على عودة برنامج "مفيش مشكلة خالص" في موسم ثان بعد نجاح الموسم الأول.

"أنا بكمل في بروفات مهرجان المسرح للجميع وعلشان محدش يسال تأكدوا إننا عندنا مشكلة في إيجاد قاعة مسرح كبيرة تليق بهذه العروض الضخمة كديكورات وموسيقى، لكن إحنا في سبيلنا لنجد هذا المسرح.

وبحضر في الموسم الثاني لبرنامج "مفيش مشكلة خالص" علشان نرجع ونشوف النقط السوداء و النقط البيضاء وازاي نقدر نعالجها".