زينة عن حكم نسب ابنيها لأحمد عز: دا انتصار للستات كلهم

نهال ناصر | فى حياة المشاهير

زينة

الجمعة , 15 يناير 2016 - 11:28 | اخر تحديث: الجمعة , 15 يناير 2016 - 20:30

عبرت الفنانة زينة عن فرحتها الكبيرة لانتصارها في قضيتها في نسب توأمها للفنان أحمد عز، واعتبرت انتصارها هذا انتصار لكل السيدات.

وقالت زينة في رسالة لجمهورها كتبتها عبر حسابها الشخصي في موقع Instagram وأرفقتها مع صورة لأخبار عن قضيتها: "الحمد لله بشكر القضاء المصري العظيم اللي أظهر الحق الحمد لله عاوزة أوضح حاجة علشان الكذب المستمر، الحكم الحمد لله بيعتمد علي إثبات الزواج وبناء عليه تم إثبات النسب أنا كنت ملتزمة الصمت وتعرضت للإشاعات الحقيرة وكنت بشوف اللي بيتقال عليا والحقيقة إني كنت واثقة في عدل رينا الحمد لله".

وتابعت: "الانتصار ده انتصار مش ليا لوحدي ده للستات كلهم القضية دي في منها كتير بس قضيتي اتحولت لرأي عام علشان أنا مشهورة والطرف التاني برده، نفسي كل ست مظلومة تاخد حقها حتى لو غلطت واتجوزت وأحد عديم الضمير والإنسانية وكداب بس كداب حتى في النفس اللي بيتنفسه، ربنا يكفي كل البنات شر عديمي الرجولة ويكرم كل البنات بناس محترمة تحافظ عليهم وأكيد في ناس محترمة كتير".

واختتمت رسالتها داعية الله أن يحفظ الفتيات و مؤكده أنها ستحاول نسيان كل ما عاشته وتهتم فقط بأولادها و عملها، كما طالبت جمهورها بعدم الحديث عن الفنان أحمد عز من أجل أولادها "يارب يستر كل البنات ويحفظهم، ربنا أظهر الحق الحمد لله وأنا عاوزة أعيش وأربي ولادي وأشوف شغلي وانسي الأيام السودا اللي شفتها من أول الجواز لغاية يوم الحكم، مش عاوزة أسمع اسم أبو أولادي دا تاني ولا حتي حد يغلط فيه علشان مايصحش للأسف علشان ولاده، وربنا كبير ولسة حسابه عند ربنا الله يكون في عونه بقى ساعة الحساب اللي مافيهاش معجبات.

فرحة الناس بظهور الحق أكتر حاجة حسستني إن الناس معايا أو تحديدا مع الولاد، مين ممكن يعادي أطفال ويظلمهم غير جاحد شيطان، فرخة حتى ماحصلش دجاجة.

وبعد أن كانت وصفت الفنان أحمد عز بالدجاجة، عادت مرة أخرى لهذا الوصف بل قالت عنه هذه المرة "فرخة حتى ما حصلش دجاجة".

الحمد لله : بشكر القضاء المصري العظيم اللي اظهر الحق الحمد لله 🙏 عاوزه أوضح حاجه علشان الكذب المستمر ،الحكم الحمد لله بيعتمد علي إثبات الزواج وبناء عليه تم إثبات النسب انا كنت ملتزمة الصمت واتعرضت للاشاعات الحقيره وكنت بشوف اللي بيتقال عليا والحقيقة اني كنت واثقه في عدل رينا الحمد لله . الانتصار ده انتصار مش ليا لوحدي ده للستات كلهم القضيه دي في منها كتير بس قضيتي اتحولت لرأي عام علشان انا مشهورة والطرف التاني برده،نفسي كل ست مظلومه تاخد حقها حتي لو غلطت واتجوزت وأحد عديم الضمير والانسانيةو كداب بس كداب حتي في النفس اللي بيتنفسه ،ربنا يكفي كل البنات شر عديمي الرجولة ويكرم كل البنات بناس محترمه تحافظ عليهم وأكيد في ناس محترمة كتير. يارب يستر كل البنات ويحفظهم. ربنا اظهر الحق الحمد لله وانا عاوزه أعيش واربي ولادي وأشوف شغلي وانسي الأيام السوده اللي شفتها من اول الجواز لغاية يوم الحكم،مش عاوزه اسمع اسم ابو أولادي ده تاني ولا حتي حد يغلط فيه علشان مايصحش للاسف علشان ولاده ،وربنا كبير ولسه حسابه عند ربنا الله يكون في عونه بقي ساعة الحساب اللي مافيهاش معجبات🙊😱 فرحت الناس بظهور الحق اكتر حاجه حسستني ان الناس معايا او تحديدا مع الولاد ،مين ممكن يعادي أطفال ويظلمهم غير جاحد شيطان #فرخه حتي ماحصلش #دجاجه.

A photo posted by Zeina Reda (@zeinareda29) on Jan 14, 2016 at 12:00pm PST

تأييد نسب توأم زينة لأحمد عز وهذا هو تعقيبها على الحُكم