فيديو- زوج ريهام سعيد يتصل بها ويعترض على دفاعها عن "سيدة المطار"

FilFan.com | فى سينما وتلفزيون

الإعلامية ريهام سعيد مقدمة برنامج صبايا الخير

الثلاثاء , 5 مايو 2015 - 14:05 | اخر تحديث: الثلاثاء , 5 مايو 2015 - 14:05

قالت الإعلامية ريهام سعيد، خلال تقديم حلقة الاثنين، من برنامجها "صبايا الخير" إلى زوجها اتصل بها في الفاصل الإعلاني واعترض على دفاعها عن "سيدة المطار".

وأكدت ريهام سعيد في البرنامج المذاع على فضائية النهار، أن زوجها انتقد الدفاع المستميت عن ياسمين النرش المعروفة إعلاميًا بـ"سيدة المطار"، باعتبار أنها كانت زميلتها في المدرسة.

وقالت ريهام عقب اتصال زوجها: "هي مش زميلتي هي كانت معايا في المدرسة ولو قبلتها مش هعرفها ولو شوفنا بعض ممكن منعرفش بعض، هي صديقتي من 25 سنة أي من ايام المدرسة".

وتابعت ريهام: "ياسمين مش صاحبتي, وهي غلطانة من ساسها لراسها و ده مش معناه انها داعرة".

ريهام سعيد: "سيدة المطار زميلتي ومش محتاجة تتاجر في المخدرات"
/b>كانت الإعلامية ريهام سعيد، مقدمة برنامج "صبايا الخير"، دافعت عن السيدة ياسمين النرش المعروفة إعلاميًا بسيدة المطار، قائلة: "ياسمين بنت ناس جدا جدا جدا، كانت معايا ف المدرسة، وراحت تجارة انجلش ودلوقتي بتشتغل في الديكور وعندها Show rooms، ومقتدرة جدا وأبوها رجل أعمال كبير".

وقالت ريهام سعيد: "حزينة جدا فوق ما تتخيلوا لمشاهدة الفيديو دا وعرضته لأن عرضه مش هينشره لأنه بالفعل انتشر، حزينة لأني أعرف هذه السيدة والحقيقة ان احنا ناس يا نشتم ف حد أوي يا نمجد حد أوي، وعندنا اللي بيقع ملوش دية يعني العجل وقع هاتوا السكين بس ياريت يبقى ع الكل وفي كل المواقف".

وأضافت ريهام: "التصرف اللي هي عملته يومها، هل كانت طبيعية، لأ مكانتش طبيعية، ومبتاخدش مخدرات، ولكن شهادة حق لأن الدنيا دوارة وكما تدين تدان ياسمين مينفعش تتاجر ف المخدرات، بلغة أخرى مش محتاجة تتاجر في المخدرات، 200 جرام حشيش دول بكام 300 جنيه مثلا، هل في واحدة في حيازتها مخدرات هتحتك بضابط بالطريقة دي؟"

وطلبت ريهام ألا يتم إعطاء القضية أكبر من حجمها، وقالت: " ياسمين غلطانة جدًا جدًا جدا لكن تعاقب على الغلط اللي هي عملته، لكن تتحول لتاجرة مخدرات، مش عارفة، أخشى أن يكون هناك "تعنف" في التعامل مع هذه القضية، التعدي على موظف أثناء تأدية وظيفته، المفروض مش الموظف بس، أي حد أي بني آدم، أمين الشرطة بتاع أسوان اللي داس على صدر مواطن وقفوه عن العمل لكن الموضوع مكبرش كده".

ونفت ريهام سعيد ما وصفته بالشائعات التى يتم تداولها حول هذه السيدة بأنها رقاصة أو بلطجية، قائلة: "ارحموها وهيا لا رقاصة ولا بلطجية، وهي واحدة من عائلة عريقة ومحترمة جدا رغم أنف الجميع، والتصرف اللي عملته ممكن يكون مش محترم بس كلنا بدون استثناء بنغلط".

وأكدت الإعلامية ريهام سعيد، أنها لا تدافع عن التصرف الذي قامت به بالاعتداء على ضباط المطار، مضيفة أنها ارتكبت خطأ بتعديها على الضابط وتحاسب عليه الآن، مقدمة التحية إلى الضابط الذي التزم ضبط للنفس وحافظ على حقوقه.
*