نيللي كريم لوالدتها في عيد الأم: سامحيني لو لسه مش بسمع الكلام

خالد طه | فى حياة المشاهير

نيللي كريم

الجمعة , 20 مارس 2015 - 16:03

وجهت النجمة نيللي كريم رسالة مؤثرة وغاية في الرقة إلى والدتها بمناسبة الاحتفال بعيد الأم في 21 مارس.

وحملت رسالة نيللي إلى والدتها اعترافا بأفضالها عليها، حيث كتبت لها عبر صفحتها الرسمية على Facebook: "الي أغلى حد في الحياة كلها ماما ثم ماما ثم ماما بحبك وبتخانق معاكي ومش بسمع كلامك وبعندك معظم الوقت وانتي دائما صح علشان عندك حاسة الام إللي دائما بتطلع صح لو حد له فضل علية بعد ربنا هي ماما فقط لا غير هي إللي جنبي هي إللي بتساعدني هي إللي شايلة وشالت كل عيالي في عز شغلي أو تقلباتي النفسية والعصبية، حتى وهي عيانة قلقانة علية".

وتابعت نيللي كريم لوالدتها: "مش عارفة أقول ليكي شكرا علي إيه ولا إيه أشكرك إني لسة عايشة و لسة زي ما أنا زي ما ربتيني أكون إنسان محترم وأحترم حتي اللي مش محترمين وكل واحد بتديله أسباب للسماح أقول إيه غير كفاية حسك في الدنيا وسامحيني لو لسة مش بسمع الكلام، بحبك قد الدنيا وانتي الدنيا".

وتجدر الإشارة أن نيللي كريم منم مواليد محافظة الإسكندرية لأم روسية الجنسية وأب مصري الجنسية.