محمد دياب: مبروك للمتطرفين مرسي

مي جودة |

محمد دياب

الأربعاء , 3 يوليو 2013 - 14:50 | اخر تحديث: الأربعاء , 3 يوليو 2013 - 15:41

أعلن السيناريست والمخرج محمد دياب رفضه لخطاب الرئيس محمد مرسي الذي أكد فيه أنه سيدافع عن "الشرعية".

كتب دياب عبر حسابه بموقع Facebook: "أكتر الناس حزناً هما اللي كانوا مؤمنين بالتعايش المشترك والكلام اللي بقي شكله عبيط،الناس اللي كانت بتحاول تقاوم الخطاب الفاشي من متطرفي الطرفين.مبروك للمتطرفين مرسي و صحبه إنتصروا ليكوا".

وأكد دياب كاتبا: "كل مسيرة مؤيدة أو معارضة هتقابل التانية هيتخانقوا مش فارقة، مين بدأ وأكيد هتنتهي بإصابات و ممكن بموت، نفسي أفهم خطاب إنهارده ده أيه السيناريو التخيلي الإيجابي اللي ممكن ينتج عنه!!!!!!".

تابع: "هل من المنطقي إن السيسي تحت أي ضغوط في الدنيا يتراجع!! أكيد لأ لأنه هيتعدم لو إنت فضلت، يبقي بتبايع الناس على الشهادة ليه!!! فين المخ في الإختيار ده؟؟، قالك لازم أعمل أعلان دستوري عشان أستكمل مؤسسات الدولة و تسبب بغباؤه في هدم الدولة".

وأضاف: "قالك لازم توافقوا على الدستور و قبله الإستفتاء عشان الإستقرار وأدينا داخلين علي حرب أهلية، قادة الإخوان ممكن ياخدوا مؤبد على جرائمهم في حق البلد دي، بس لازم ياخدوا إعدام بتهم الغباء".

محمد دياب له مواقفه السياسية الواضحة منذ اندلاع ثورة يناير وانحيازه لها، ودعمه لمحمد مرسي بالمرحلة الثانية من الانتخابات الرئاسية، وهو الآن يطالب بسحب الثقة منه حيث شارك بتظاهرات 30 يونيو وانضم لحركة "تمرد".

لعملاء فودافون وموبينيل .. للاشتراك في خدمة الرسائل القصيرة من FilFan.com ومتابعة آخر أخبار النجوم والفنانين لحظة بلحظة على موبايلك أدخل رقم تليفونك في المربع المخصص بالأسفل