بعد إخلاء سبيلها..سلمى صباحي تكشف "السر"

مي جودة |

سلمى صباحي

الأحد , 19 مايو 2013 - 10:48 | اخر تحديث: الأحد , 19 مايو 2013 - 11:03

قررت المطربة ومقدمة البرامج سلمى حمدين صباحي كشف فوائد حبسها لمدة 5 أيام على ذمة التحقيقات في قضية النصب عبر التسويق الالكتروني في تدوينة كتبتها عبر حسابها بموقع Facebook.

كتبت سلمى: "السر..إني حسيت أن ربنا بيحبني أوي ابتلاني ونصفني، السر..إني دقت جزء من الظلم اللي داقه ابويا، السر..إني كنت بشوف صمود أمي أيام وشهور لما كانوا بيعتقلوا أبويا، السر..إن بعد 6 سنين جواز اكتشفت في أشرف حاجات جديدة واتأكد شعوري أنه هدية ربنا ليا".

تايعت: "السر..إن ظباط قسم العجوزة كلهم باختلاف الرتب كانوا بيتعاملوا معايا (كإنسانة)، السر..إن ملازم أول أصغر مني بكام سنه من القسم قاللي (لما كنت في ثانوي كنت بتابعك في برنامج شبابيك وأحس إنك أختي أنا واثق إنك بريئة، السر..إن رئيس ووكلاء نيابة العجوزة في منتهى الاحترام، السر..إن رئيس نيابة العجوزة رجل عنده ضمير مهني حقيقي بعد تحقيقات استمرت 3 ايام وبعد ما كتب مذكرة تفيد إني مجني عليا ولست مدانة جه القرار بالحبس قاللي (أنا بعتذرلك)".

وأضافت: "السر..إني افتكرت لما كان أبويا بيقعد معايا بليل في البلكونة اغنيله (حببتي من ضفايرها طل القمر) وهو يقرالي شعر من ديوان محمود درويش (لماذا تركت الحصان وحيدا) ودايما كانت تشغلني جملة في القصيدة دي عرفت معناها دلوأتي (مثلما كنت تحملني يا أبي)"

واختتمت كاتبة: "ببساطة..السر إنك تعرف تشوف (المنحة) المستخبية في قلب (المحنة)".

لقراءة التدوينة كاملة:

السر ..السر .. اني حسيت ان ربنا بيحبني اوي ابتلاني ونصفني ..السر .. اني دقت جزء من الظلم اللي داقه ابويا... fb.me/1lrYFyHXv

— Salma Sabahy (@SalmaSabahy) May 19, 2013

يذكر أن سلمى صباحي تم إخلاء سبيلها مرتين، الأولى مقابل كفالة مادية تقدر بـ20 ألف جنيه، ورفضت المحكمة طعن النيابة على بقائها في الحبس، وتم حبسها على ذمة بلاغات أخرى -تتهمها بالنصب عليها وتشغيل أموالهم بشركة تسويق الكتروني- لمدة يوم وخرجت بعده بإخلاء سبيل دون ضمانات.