هشام منصور: لو كان مصطفى محمود في 2012 كان عمل "العلم والإيماو"

إسلام سعيد |

هشام منصور

الثلاثاء , 4 سبتمبر 2012 - 17:09

قبل عام كنت أجلس على يمين باسم يوسف الذي أعتبر آنذاك ما فعله على الإنترنت طفرة لبرنامج سياسي كوميدي، وفي سبتمبر 2012 كان الموعد مع طفرة أخرى استطاعت أن تقول "وسّع.. موهبة جديدة في الطريق".

هشام منصور يلخص في حواره لـFilFan.com قصة برنامجه الأول، وحكايته مع الجمهورية تي في وباسم يوسف وأشياء أخرى... في 8 كبسولات:

- قبل الميديا كانت أول شغل ليا في الميديا، وكنت بأشتغل في الـIT في شركة كبيرة بس جيت في وقت قلت لأ مش هو دة اللي أنا عايز أعمله.

- عرفت إن باسم يوسف كان عايز ناس يكتبوا معاه الموسم الأول من برنامج "البرنامج؟"، ورحت والحمد لله البرنامج نجح.

- الفكرة بتاعة جمهورية تي في إنه اون لاين وإنك تبقى على الإنترنت دة كويس جدا، ولسة ما فكرتش إني أبقى في التليفزيون.

- فكرة "العلم والإيماو" جاتلي من برنامج "العلم والإيمان" لدكتور مصطفى محمود، ودة كان أكتر برنامج بحبه من خلال أسلوبه التحليلي جدا، بس الحياة بقت مختلفة، ولو كان موجود دلوقتي كان ممكن يعمل برنامج بيحلل بطريقة مختلفة.

- ما خفتش من إسم البرنامج، وأنا شرحت في بداية العلم والإيماو أنا ليه إخترت إسم البرنامج كدة، وأعتقد إن الناس فاهمة، وخصوصا إن زمان كان الشباب مهتمة بالعلم والإيمان، دلوقتي وسط "ثورة الحشيش" كله بقى "ماو".

- أنا بكتب الفيلم دة معايا خطيبتي نيرة الشيخ ومصطفى حلمي.

- كنت وصلت لمرحلة إني مش عايز أكمل في الكمبيوتر ولا في المجال دة، وبصيت على أعلى منصب في الشركة، حتى لو وصلتله قلت "مش عايز أبقى المدير بتاعها".

- دلوقتي شغال في الإعلانات جنب شغلي في الميديا والكتابة كمان.