تعليقات جماهير الـ FaceBook وTwitter على خبر منع "البوس والأحضان" من التليفزيون المصري

مي جودة |

لقطة من فيلم "صراع في الوادي"

الثلاثاء , 3 مايو 2011 - 23:44

بعدما نشر FilFan.com خبر الأمر الشفهي الذي أصدره سامي الشريف رئيس اتحاد الإذاعة والتليفزيون بحذف كل مشاهد القبلات والأحضان من الأفلام العربية والأجنبية القديمة والحديثة، وجدنا تفاعل جماهيري كبير مع الخبر مع اختلاف الآراء بالطبع.

فقاما شعبا الـFaceBook والـTwitter بنشر الخبر وتداوله أكثر من 26 ألف شخص في أول 24 ساعة من انتشار الخبر، وكان أغلبهم من مؤيدي قرار الحذف، ما عدا صناع السينما.

حيث كتب المخرج خالد الحجر: "نحن نعود إلى الوراء، فهل ما زلنا نتحدث عن القبلات والأحضان في السينما، يا للعار، فدعونا نقدم سينما جيدة أولا".

وكتب خالد أبو النجا: "جنون، سامي الشريف أمر بمنع القبلات والأحضان من الأفلام".

وعلى مستوى مجتمع موقع Twitter، فوجئنا بعدد كبير من "الهاشتاجز" # بكلمات ساخرة من القرار مثل #SamiElshage3 و#Boosa و#NoBosaAnyMore و#KissBan و#N3amLelBos و#ElbosElbos ، وغيرها.

وكعادة شعب التويتر السخرية من الأخبار، قام عدد كبير من رواد الموقع بإطلاق النكات، وكانت هذه أبرزها.

ربط الأحداث بالثورة:

* ننزل يوم الجمعة ونعمل مليونية بوس وكلوا يبوس ويحضن في كله

* الشعب يريد البوس في الأفلام

*أنا عشان مصري حقول عالبوسه يع

*أنا كنت جزء من النظام عشان كنت ببوس

* احنا آسفين يا بوس

* يعني هما لما قطعوا النت والتليفون والتلفزيون الناس نزلت الشارع، دلوقتي لما حذفوا البوس ايه اللي هيحصل؟ الناس "هتتصرف" و تبوس في الشارع

السخرية من التليفزيون:

* يعني إيه يمنعوا البوس والأحضان في التلفزيون المصري يعني الشعب يتعلم البوس من فين؟ من الأجانب مثلا

* برده هيمنعوا اللي بيبوس طارق علام وبيقوله أنا بتفرج عليك كل يوم يا أستاذ طارق وبيهري الراجل الكسبان

* أنا رأيي بعد كده لما ييجي مشهد بوس البطل يقول بوسة. و لما ييجي حضن البطل يقول حضن و خلي العلمانيين يعيشوا مع خيالهم

* العيشة هاتبقي ضنك خالص ... لا مناظر ولا مسامع ولا أي حاجة تلين المواضيع.... التليفزيون هايبقي ناشف علي الآخر

* متهيألي مهند هايعمل مسلسل البوس الممنوع ... وتفضل الناس لآخر حلقة مستنية البوسة
البوس مش حصري على التليفزيون المصري

سخرية من الأفلام:

* أفلام خالد يوسف أصبحت تحت بند الأفلام القصيرة.. بعد قرار منع البوس

* وكأنها الطريقة المثلى للحفاظ على هوية المصريين وموروثهم الأخلاقي ، للأسف تفكير رجعي عقيم

* اللي يتكسف من بنت عمو ميبوسهاش في الأفلام

* لما كان عندي 8 سنين كنت بحلم أني أطلع ممثل علشان أبوس في الأفلام ، يقومو بقرار صغير يضيعوا كل أحلام الطفولة

سخرية سياسية اجتماعية:

* امنعوا العيش ولا تمنعوا البوس

* الناس مشغولة ببن لادن وحاجات كتيرة النهاردة وانا مشغول بحاجة واحدة إزاى هايمنعوا البوس في الأفلام

* مباحث البوس شعارها إيه؟ نسر واقف علي بق الناس؟