إلهام شاهين: أي حاجة أعملها تعجب الناس

نهال ناصر | فى حياة المشاهير

إلهام شاهين

الثلاثاء , 20 أكتوبر 2026 - 12:50 | اخر تحديث: الثلاثاء , 20 أكتوبر 2026 - 12:50

أكدت الفنانة إلهام شاهين أنها تستطيع تقديم أي دور وهذا ليس غرورا منها ولكن ثقة في موهبتها.

وخلال لقاء مع قناة "النهار" قالت إلهام شاهين: "أنا ممثلة كويسة والله مش مغرورة خالص دا كلام هزار، قالبة معايا كوميديا بقالها فترة، أنا واثقة في نفسي أنا ممثلة درست وتعبت واشتغلت على نفسها كويس فأنا أقدر أعمل أي دور".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن الأدوار التي كانت تتمنى تقديمها قالت إلهام شاهين: "كان نفسي اعمل حاجة تاريخية عن الملكات اللي حكموا مصر مرة كان في فيلم عن "حتشبسوت" ومرة مسلسل "شجرة الدر" والاتنين متحققوش إنتاجيا عشان التكلفة".

نرشح لك: خالد الصاوي ومينا مسعود ومحمد الشرنوبي من بينهم ... حضور فني ونقدي على ريد كاربت "مفيش راجل بيعيط" بمهرجان الجونة

وأوضحت إلهام شاهين أنها تمضي وقت فراغها في أمور لها علاقة بالفن قائلة: "كل حاجة بعملها متصلة بمهنتي بحب أقعد يومي كله قدام الأفلام وبحب اقرأ كتير ممكن أقعد اقرأ روايات ومسرحيات وكتابات أتعلم منها، أهلي بيقولولي أنتي كان ممكن تطلعي محققة ووكيل نيابة لأني بفضل اسأل في التفاصيل أنا ممكن كنت أبقى محامي علشان لما بيكون عندي قضية في دماغي أو أي موضوع عايزة اتكلم عنه أو أبقى ضده ببقى بكل حواسي بفضل وراه مفيش حاجة تخليني أحس باليأس".

وتابعت إلهام شاهين: "أنا بدافع عن المرأة والفن والبلد بدافع عن كل حاجة جميلة وكل دي حاجات جميلة الفن شيء جميل والمرأة أجمل حاجة في الكون وبلدي مفيش أجمل منها في الدنيا".

على جانب آخر، كانت إلهام شاهين انشغلت الأيام الماضية في تصوير فيلم "حين يكتب الحب".

"حين يكتب الحب" تدور أحداثه في إطار رومانسي وهو من انتاج شركتي Art world production & Reel production.

الفيلم يشارك في بطولته عدد كبير من النجوم من بينهم إلهام شاهين ومعتصم النهار ودرة ومحسن بن منصور، وسارة بركة، وإلهام صفي الدين، وشريف حافظ، والفيلم من تأليف سجى محمد الخليفات، وإنتاج نايف عبد الله، ومن إخراج محمد هانى.

وتعود إلهام شاهين للسينما بقوة فكانت انتهت من تصوير فيلم "الحافي".

فيلم "الحافي" بطولة: إلهام شاهين، وعمرو عبد الجليل، وخالد الصاوي، ورانيا فريد شوقى، وصلاح عبد الله، وأحمد بدير، وإلهام صفي الدين، وعلاء مرسي، وأحمد سلامة، وعمرو عبد العزيز، وأمير شاهين، وأميرة فتحي، وبدرية طلبة، تأليف محمد الغيطي، وإخراج مازن الجبلي.