عمر رزيق يرد على انتقادات حكاية "لعبة جهنم": بنعمل المسلسل بهدف التوعية ومستحيل نقتل قطة

نهال ناصر | فى سينما وتلفزيون

عمر رزيق

الاثنين , 7 سبتمبر 2026 - 12:18 | اخر تحديث: الاثنين , 7 سبتمبر 2026 - 12:19

رد الفنان الشاب عمر رزيق على الانتقادات التي وجهت لحكاية "لعبة جهنم" من مسلسل "القصة الكاملة".

وقال عمر رزيق في لقاء مع blinxnow: "أنا مقدر أن الناس نفسيتها ممكن تكون بتتعب من الحاجات دي ولكن إحنا بنعمل دا بهدف التوعية أنت ممكن تشوف حد وتحس أن هو طيب وهو وراه حاجات كتير، "سليم" شكلة كيوت وولد طيب جدا لكن هو بلوة،".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن انتقادات ظهور "علاء" كشيخ ومشهد قتل القطة قال عمر رزيق: "مستحيل نقتل قطة عشان مشهد مش فاهم إزاي الناس بتفكر كده، وإحنا مش بنقول أن الدين فيه مشكلة بنقول واحد بيدعي التدين والناس اللي ركزت على دور "علاء" مركزتش على الشيخ اللي بيطالبه بشهادة من الأزهر عشان يكون مؤهل أنه يدي دروس دينية ما دا دور شيخ حقيقي، إحنا في القصة بنعرض حادثة حصلت مش بعرضلك إيه مشكلة "سليم" ولا مشكلة "علاء" مش بنعمل فيلم أو مسلسل عن واحد سيكوباتي بنعمل الحادثة وإيه الدوافع".

نرشح لك: #شرطة_الموضة: نسرين طافش بفستانين في حفل اختيار ملكة جمال مصر .. بشراشيب وآخر شفاف بورود بارزة

وتابع ليتحدث عن المسلسل قائلا: "أول مرة اتفرجت على المسلسل كنت متوتر جدا ودا طبيعي لأني بشوف أنا عملت إيه، تاني مرة اتصدمت وكان قلبي مقبوض وزعلان جدا على الولد، هو دور مختلف جدا عن شخصيتي وعن الحاجات اللي عملتها ومبسوط بيه".

عمر رزيق من حكاية "لعبة جهنم"

وعن تفاصيل الشخصية ومشهد مواجهة "سليم" و"علاء" قال: "الابتسامة مفيهاش مشكلة توقيتها مرعب أنه يضحك في اللحظة دي والناس كانت بتتريق وتقول إنت بتضحك على إيه، محمد فراج مقابلتوش غير في المشهد الأخير أنا فخور إني اشتغلت معاه أنا بعشقه".

View this post on Instagram

A post shared by blinx (@blinxnow)

وقدمت حكاية "لعبة جهنم" قضية "الدارك ويب" التي أثارت جدلال كبيرا خلال العامين الماضيين، بعدما قام شاب بقتل طفل صغير بالاتفاق مع طفل آخر لتقطيع جسده وأخذ أعضائه وبيعها وتصوير فيديو للعملية ونشره على "الدارك ويب".

ومسلسل "القصة الكاملة" يتكون من 5 حكايات، كل حكاية 3 حلقات، تعرض حكاية واحدة كل شهر.

وحكاية "لعبة جهنم" بطولة محمد فراج وعمر رزيق والطفل منذر مهران وغادة طلعت وكريمة منصور، ياسر عزت، والعمل من تأليف نجلاء الحديني وإخراج إسلام خيري.