منذر مهران عن مشهد قتله في "لعبة جهنم": كان رخم أوي وطلعت مجهودي فيه

نهال ناصر | فى سينما وتلفزيون

منذر مهران

الثلاثاء , 1 سبتمبر 2026 - 11:20 | اخر تحديث: الثلاثاء , 1 سبتمبر 2026 - 11:20

حكى الطفل منذر مهران الذي قدم دور "حسن" في حكاية "لعبة جهنم" من مسلسل "القصة الكاملة" كواليس مشهد قتله في العمل.

وقال منذر مهران في لقاء مع ET بالعربي: "مشهد القتل لما كان بيخنقني دا كان رخم أوي أنا طلعت مجهودي فيه كنت بكتم نفسي وبطلع عرق من جنبي كده وأستاذ إسلام خيري قالي أنت بتطلع العرق دا إزاي أنت بتكتم نفسك كده هتموت، زعقلي عشان كنت بكتم نفسي كتير قلت له أنا عايز أطلع المشهد صح متخافش عليا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

منذر مهران والمخرج إسلام خيري

وعن نجاح الدور قال: "المسلسل دا كان دور غريب أنا عمري ما مثلته ونجاح غير طبيعي وأنا مكنتش متخيل النجاح دا وشخصية "حسن" تخلي الناس كلها تعيط".

نرشح لك: زينة أشرف عبد الباقي تحتفل بخطبتها على شاب من خارج الوسط الفني

وكشف منذر مهران كواليس تحضيره للشخصية قائلا: "دخلت جوا الشخصية قعدت اقرأ السيناريو وفهمت الدنيا بتتكلم عن إيه وبحثت عن الجريمة والشخصية عاملة إزاي، الطيبة الزايدة كانت لازم تكون في الشخصية ودا اللي خلى الناس تحبني وتزعل عليا لما يموت".

وتابع: "أنا بحب التصوير وبتمزج وأنا بعمل المشهد وبطلع للناس أحسن حاجة مش بحب أطلع نص نص وبطلع كل مجهودي في التصوير لحد ما اتعب خالص".

وعن علاقته بالفنان محمد فراج خلال تصوير المسلسل: "أستاذ محمد فراج لذيذ أوي ولطيف، خفت منه في المسلسل شكله مخيف أول ما شفته بلبس الشخصية مكنتش عارف أن هو، ولما قلع النضارة بصيت له قلتله أنت إيه اللي حصل فيك هو ممثل جامد وإحنا في التصوير مكانش عايز يطلع من الشخصية".

منذر مهران ومحمد فراج

وحكاية "لعبة جهنم" بطولة محمد فراج وعمر رزيق والطفل منذر مهران وغادة طلعت وكريمة منصور، ياسر عزت، والعمل من تأليف نجلاء الحديني وإخراج إسلام خيري.

اقرأ أيضا:

ناندا محمد: عجبني أن الناس مش مصدقة إني مش مصرية ومتوقعتش انتقادات نقابة التمريض لـ"بنج كلي" وجوزي السبب في اتقاني للهجة المصرية

فيديو- نجلاء فتحي تودع ابنتها ياسمين

فيديو - طارق الشناوي: مصطفى قمر ثقافته محدودة وبيعتمد على الشتائم

أكرم السعدني يكشف تفاصيل الساعات الأخيرة في حياة محمد التاجي: عملية جراحية ونزيف لم يتوقف

لا يفوتك: عاوز تعرف مين هو أغنى ممثل في العالم خارج هوليوود؟ 😉تعالى نقول لك ✋

عاوز تعرف مين هو أغنى ممثل في العالم خارج هوليوود؟ 😉تعالى نقول لك ✋ pic.twitter.com/ezqjmkRUYs

— FilFan.com (@FilFan) August 13, 2026

لا يفوتك: لو فيلم تايتانك اتعمل منه نسخة مصرية مين يبقى الأبطال

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz>