بعد عام على رحيله … ريما الرحباني تكشف سبب وفاة شقيقها زياد: غلطة أو إهمال طبي

نهال ناصر | فى حياة المشاهير

ريما وزياد الرحباني

الأحد , 16 أغسطس 2026 - 13:13 | اخر تحديث: الأحد , 16 أغسطس 2026 - 13:13

خرجت المخرجة اللبنانية ريما الرحباني ابنة الفنانة فيروز عن صمتها وردت على الشائعات وكشفت بعض الأمور الخاصة بوفاة شقيقها الموسيقار زياد الرحباني.

وفي منشور عبر حسابها على Facebook نفت ريما الرحباني ما تردد عن حاجة شقيقها للمال في آخر أيامه مؤكدة أنها ووالدتها كانتا بجانبه دائما، وكشفت مفاجأة عن سبب وفاة شقيقها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وكتبت ريما الرحباني: "شوية نقط على الحروف رغم إنو الموضوع خاص وما بيعني حدا ولا بيخص حدا بس بما إنو تناولتوه بغزارة رغم خصوصيتو وشيَعتوا وشنعتوا بالمعلومات والتكهنات والإشاعات وعم تثبتوها حقايق، رح إضطر حط النقط عالحروف وبوقاحة مطلقة لأن اللي نايم وخاص، ما كان لازم يطلع وإضطريتوني طلعوا فا تفضلوا زياد ما فل من كبدو ولا من البنكرياس".

نرشح لك: التعليق الأول من ليلى أحمد زاهر بعد انتقادات حلقتها مع زوجها هشام جمال في AB Talks

وتابعت: "زياد ما كان وصل لمرحلة زرع الكبد وما معاوز مصريات حدا، لا دولة ولا غير دولة، زياد إمه وإخته معه من أول العمر لآخر العمر، ما استسلم ولا زهق من الحياة ولا قرر يفل كان بيحب الحياة وبيخاف من الموت".

وأضافت ريما الرحباني: "زياد الثورجي اللي بأول طلعتو ترك البيت، وما عاد رجعلو، لما حس حالو تعبان خاف يبقى وحدو وفضل يبقى مع أهلو اللي هني نحنا يعني ما استسلم إلا لحب إمه وإخته وإخته قبل إمه لأن بيعرِف إن الإم، إم! بتحب بدون قيد أو شرط ما بيهما تفهم ما بيهما إلا تحب وما بتعرِف إلا تحب.. بينما إخته بتفهمو بتحس مش بس معه بتحس متله وبدون كلام وبتحسه بصدق بدون شرح وهيدا اللي كان بحاجة إليه".

وعن سبب وفاة شقيقها قالت: "زياد راح غلطة أو إهمال طبي من أطباء آمن فيهم وكان يرفض بشكل قاطع يستشير غيرهم، وهني يبدو ما آمنو فيه! إهمال أو غلطة، غلطة كبيرة كتير.. الله لا يسامح اللي كان السبب مع إني مسيحية لازم سامح بس لأول مرة مش قادرة، لأن زياد ما كان بيِنغلط معه، مش زياد اللي بيِنغلط معه حتى لو كان مريض عنيد ومتعب".

منشور ريما الرحباني

واختتمت رسالتها: " بفضل اكتفي بهالقد لأن أساسا كل هيدا ما كان بيعني حدا بس لما تكتر الأقوال والخبريات.. وتتثبت لازم صاحب الحق يصححا فا رح اكتفي بالعناوين، وإن شاء الله ما إضطر ولا يوم للنشرة الكاملة، ريما عاصي الرحباني".

ورحل زياد الرحباني عن عالمنا في 26 يوليو 2025، عن عمر ناهز 69 عاما.