ليلى أحمد زاهر تكشف كيف أخبرت هشام جمال بحملها: جسمي كان بيترعش وفضلت أعيط

نهال ناصر | فى حياة المشاهير

ليلى أحمد زاهر وهشام جمال

الأربعاء , 12 أغسطس 2026 - 16:41 | اخر تحديث: الأربعاء , 12 أغسطس 2026 - 16:41

حكت الفنانة ليلى أحمد زاهر عن لحظة إخبارها لزوجها هشام جمال عن حملها في طفلهما الأول.

وخلال لقائهما في برنامج ABtalks مع أنس بوخش، حكت ليلى أحمد زاهر قائلة: "معرفتش إني حامل وهشام معايا كنت مسافرة كتمت الموضوع شوية لوحدي لحد ما رجعت من السفر، إحساس لما تعرف وأنت وحدك يعني إيه أنا حامل أصلا، فضلت ساكتة عشان كنت عايزة أقول له هو أول واحد كان في مشاعر ملخبطة اتخضيت فضلت أضحك وعايزة أعيط وكان عندي شغل وكنت بتعامل عادي أن مفيش حاجة وكنت تمام لما رجعت الأوتيل فضلت أقول هقوله إزاي عشان تبقى حاجة مختلفة لأنه أول بيبي".

وأوضح هشام جمال إن قبل سفر ليلى أحمد زاهر للعمل كانا يشكان في حملها وعندما اتصل بها وسألها إن كانت أجرت اختبار حمل أخبرته أنها ليست حاملا لذا لم يفكر في الأمر.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ليلى أحمد زاهر حكايتها: "دورت أونلاين على لبس للبيبي وكان معايا اختبار الحمل، ولما رجعت من السفر حطيت الحاجات على السرير وناديت عليه كان نفسي أصور اللحظة دي عشان تبقى موجودة، طول الوقت من كتر توتري وأنا بقوله كان جسمي بيترعش وخايفة مش من رد فعله، هو اتخض لأنه مكنش متوقع ومش متعود عليا إني أخبي عليه حاجة وأنا فضلت أعيط".

نرشح لك: ليلى زاهر عن زوجها: أول ما شفته أعجبت به ... وهشام جمال: حاسس الولاد هيقووا علاقتنا

وأضافت: "لما عرفت إني حامل فضلت اسأل شات جي بي تي هو أنا ينفع أكل عادي وأشرب عادي وأركب طيارة حاجات بديهية".

وأوضح هشام جمال أن الأمر كان مفاجأة لأنها في البداية أخبرته أن اختبار الحمل أوضح أنها ليست حاملا ولأنهما لم يتفقا على الإنجاب الآن وهي بالفعل كانت تصور أحد أعمالها وتوقف التصوير وستعود لاستئناف التصوير بعد الإنجاب.

يذكر أن ليلى أحمد زاهر كشفت عن جنس مولودها الأول، وذلك خلال حضورها حفل افتتاح مهرجان الـ79.

وكشفت ليلى أحمد زاهر عن حملها في فتاة، وارتدت فستانا من تصميم رامي قاضي، صنعه خصيصا لها، وكان باللون الوردي مزينا بريش في نهاية الأكمام.