ياسمين صبري: محمود عبد العزيز كان عايز يجوزني حد من عيلته

نهال ناصر | فى حياة المشاهير

ياسمين صبري

الثلاثاء , 11 أغسطس 2026 - 15:02 | اخر تحديث: الثلاثاء , 11 أغسطس 2026 - 15:02

تحدثت الفنانة ياسمين صبري عن تعاونها مع الفنان الراحل محمود عبد العزيز في مسلسل "جبل الحلال".

وحكت ياسمين صبري في بودكاست "موعد مع لميس" مع لميس الحديدي قائلة: "أنا شخصية فضولية ولما يقعد حد جنبي اسأله أنا بحب أقشر البني آدم لأننا طبقات في الوش اللي بنشوفه والوش الداخلي، كان نفسي أبقى مذيعة ودخلت التمثيل صدفة، فكرت أدخل مسابقة ملكات جمال مصر وكنت معتمدة على ذكائي في الاختيار أدخل المسابقة وبعدها اختار، لكن متمتش المسابقة ودا الحمد لله كان لمصلحتي، بعدها قالولي لازم تمثلي قلت في الأول مستحيل".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ياسمين صبري: "أنا خطواتي كانت سريعة أول مسلسل عملته في حياتي مع أستاذ محمود عبد العزيز وفي رمضان وكان حواليا نجوم كتير، وأستاذ محمود كان عايز يجوزني حد من عيلته وقالي إتجوزي بقى ومعرفش ليه الناس لفتها كده بس براحتهم هي عاجباهم كدة مفيش مشاكل".

نرشح لك: رشاقة "الجيم" ظهرت في قفزة أمام الأهرامات ... كيف قضت ياسمين عبد العزيز إجازتها

وتابعت: "بس لأ هو كان بيقولي يعني ياسمين أنتي "Fragile" يعني سهلة الكسر، وده مش حقيقي ده هي دي النعومة، لكن أنا قوتي في نعومتي".

وكانت ياسمين صبري ظهرت في لقاء قبل سنوات وتحدثت عن الفنان الراحل محمود عبد العزيز وأول لقاء جمعها معه وقالت: "كان ضد أساسا إني أمثل، لما شافني قالي إنتي إيه اللي جابك هنا إنتي في المكان الغلط".

وانشغلت ياسمين صبري الفترة الماضية بتصوير فيلمها "نصيب" الذي تتعاون فيه لأول مرة مع الفنان السوري معتصم النهار في أولى تجاربه بالسينما المصرية، وقالت عن تعاونهما: "اتشرفت جدا بيه وإن شاء الله نبقى فريق ممتع والناس تستمتع بيه".

وعن فيلم "نصيب" قالت ياسمين صبري: "فيلم لذيذ استمتعنا بيه جدا للأسرة كلها في حاجات كتيرة أوي المناظر رائعة يكفي أن المشاهد يبقى قاعد في السينما شايف بحر وجبال وجمال مصر خلابة وساحرة".

وفيلم "النصيب" من بطولة ياسمين صبري ومعتصم النهار، رحمة أحمد، عمر الشناوى، مصطفى أبوسريع، خالد سرحان، ومن تأليف أحمد عبدالفتاح، وإخراج أحمد خالد أمين.