ياسمين عبد العزيز توجه نصيحة للسيدات: أي واحدة عايزة تبقى حلوة تحب نفسها

نهال ناصر | فى حياة المشاهير

ياسمين عبد العزيز

الاثنين , 20 يوليو 2026 - 16:07 | اخر تحديث: الاثنين , 20 يوليو 2026 - 16:07

وجهت الفنانة ياسمين عبد العزيز نصيحة للسيدات للحفاظ على جمالهن.

وخلال لقائها مع ET بالعربي أجابت ياسمين عبد العزيز على سؤال حول سر جمالها وراحتها النفسية التي ظهرت عليها مؤخرا وقالت: "مش هقول سنجل والكلام الأهبل دا أنا بهرج برمي إفيه مش هو دا بجد الواحد لما بيحب نفسه بيحلو أنا حبيت نفسي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ياسمين عبد العزيز: "دلوقتي بحب ياسمين وبفكر مع ياسمين ولياسمين لما حبيت نفسي مع حاجات تانية اللي جواكي هو اللي بيطلع على وشك لو من جوايا أسود هيطلع على وشي، لأي واحدة عايزة تحلو حبي نفسك".

نرشح لك: رحيل الموسيقار الكبير هاني شنودة عن 83 عاما

View this post on Instagram

A post shared by ET بالعربي (@etbilarabi)

وخلال اللقاء تحدثت ياسمين عبد العزيز عن فيلمها الجديد "خلي بالك من نفسك" وتقديمها لمشاهد أكشن خلال العمل، وقالت: "بعمل أكشن في "خلي بالك من نفسك" دا التغيير عشان الناس متزهقش، أعمل دراما وكوميدي ورومانسي الممثل لازم يعمل كل حاجة".

وتابعت ياسمين عبد العزيز: "الاستسهال أخرته مفيش حد بيكمل والجمهور ذكي مش هيدخل غير لما يسمع الفيلم حلو ولا وحش هتستسهل هتلاقي وقتك خلص لكن هتنقي وتشتغل وتتعب وتفكر أن تجيب مواضيع جديدة، في حاجات كنت بعملها زمان مينفعش تتعمل دلوقتي حتى الكوميدي اللي بعمله بتاع دلوقتي مش الكوميدي اللي كنت بعمله زمان، كنت زمان بستخدم جسمي وريأكشناتي، الجيل دلوقتي الضحك بتاعه اتغير".

تدور أحداث فيلم "خلي بالك من نفسك" فى إطار يجمع بين الكوميديا والأكشن والتشويق، حيث يقدم السقا شخصية مختلفة تعتمد على تقديم النصائح العاطفية عبر برنامجه الإذاعى، قبل أن تتشابك حياته مع عدد من المواقف غير المتوقعة التى تقلب الأحداث رأسًا على عقب.

فيلم "خلي بالك من نفسك" من بطولة أحمد السقا، ياسمين عبد العزيز، لبلبة، ومحمد رضوان، ومصطفى أبو سريع، ومجموعة من ضيوف الشرف، والفيلم من تأليف شريف الليثى وإخراج معتز التونى.