أحمد العوضي يرد على جدل الإيرادات بين "شمشون ودليلة" و"صقر وكناريا": كلامي مش موجه لمحمد إمام

نهال ناصر | فى سينما وتلفزيون

أحمد العوضي ومحمد إمام

السبت , 18 يوليو 2026 - 10:48 | اخر تحديث: السبت , 18 يوليو 2026 - 10:48

رد الفنان أحمد العوضي على الجدل الذي أثير خلال اليومين الماضيين بسبب إيرادات فيلمه "شمشون ودليلة" وإيرادات فيلم الفنان محمد إمام "صقر وكناريا" ومن يتصدر شباك التذاكر.

وقال أحمد العوضي في لقاء مع ET بالعربي إن فيلمه يحقق أعلى الإيرادات وأنه عندما يقوم بمشاهدة الفيلم في السينما مع الجمهور يجد كل القاعات مكتملة مضيفا: "الحمد لله متصدرين الإيرادات بشكر ربنا وبشكر الشركة المنتجة وشريكتي في الفيلم مي عمر وإخواتي اللي بدعمهم بعد دعم ربنا الحمد لله إحنا في حتة حلوة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن جدل الإيرادات ومن ينشر صورة للإيرادات الصحيحة قال أحمد العوضي: "إحنا بنزل الأرقام الحقيقية، أعمل 15 مليون في أول أسبوع ليه بعمل بوجي وطمطم؟ محمد إمام أخويا وزميلي ونجم كبير وأنا بحترمه جدا وإحنا أصدقاء وأنا باركت له على الفيلم والكلام مش موجه ليه أصلا عشان محدش يتخيل إن في بينا صراع أو عداوة زي ما كانوا متخيلين كده في رمضان إحنا بينا منافسة شريفة".

نرشح لك: بـ3 ساعات نسائية بـ6 مليون جنيه وإطلالة تصلح للجنسين ... لوك عمرو دياب على بوستر ألبومه "حبيتك"

وتابع أحمد العوضي: "أنا كلامي موجهة للجهة اللي بتطلع الأرقام دي أنهم يقولوا جابوا يوم ماتش مصر والأرجنتين 6 مليون، جبتهم إزاي يا صاحبي دا إيراد العيد، الناس كلها بتعيد وتنفخ البلالين وتصرف فلوسها في السينما، لكن يوم ماتش مصر والأرجنتين الناس كلها قاعدة بتشوف ميسي والظلم التحكيمي وأنت بتجيب 6 مليون جنيه، الطبيعي أنك في أول أسبوع بتجيب إيراد عالي وبعدها ينزل مش منطقي بعد ما الفيلم اللي بعدي ينزل أجيب 20 مليون".

وعن الإيرادات التي ينشرها محمد إمام قال أحمد العوضي: "محمد إمام بينزل الإيرادات اللي بتجيله وأنا بحترمه جدا أنا برد على البوست اللي بيجيله لأنه مش منطقي".

وفيلم "شمشون ودليلة" من بطولة أحمد العوضي، مي عمر، أحمد عصام السيد، ريتال عبد العزيز، محمود البزاوي وانتصار وخالد الصاوي، محمد ثروت، عصام السقا، وتأليف محمود حمدان، وإنتاج أحمد السبكي وكريم السبكي، وإخراج رؤوف السيد.