مي عمر توجه رسالة للفنانات: نفسي نرجع زي زمان ونتمنى الخير لبعض

نهال ناصر | فى حياة المشاهير

مي عمر

الأربعاء , 15 يوليو 2026 - 10:36 | اخر تحديث: الأربعاء , 15 يوليو 2026 - 11:33

وجهت الفنانة مي عمر رسالة لزميلاتها الفنانات طالبتهن فيها بمحاولة الابتعاد عن الخلافات ومن يتصدر التريند ومن الأكثر مشاهدة والعودة لما كان يحدث في الماضي.

وقالت مي عمر في لقاء مع snaxtra: "نفسي إن إحنا نرجع زي زمان ودا اللي كنت بحاول أعمله الفترة اللي فاتت، زمان مكانش فيه أن إحنا نقعد نعلي على بعض وأنا أعلى، ساعات بيبقى في حد رقم 1 وساعات بيبقى في حد رقم 2 يعني كل واحد ليه وقت في الموسم وكلنا عندنا أعمال كويسة وأعمال مش أحلى حاجة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مي عمر: "لازم كلنا ندي مثال كويس للناس إننا نبارك لبعض وكلنا بنتمنى لبعض الخير وفي الآخر النجاح دا بتاع ربنا".

نرشح لك: رانيا يوسف وإنجي المقدم وهنا وفرح الزاهد من بينهم ... النجوم في عرض مسرحية "خيال مريض"

View this post on Instagram

A post shared by SNAX (@snaxtra)

ويعرض لمي عمر فيلم "شمشمون ودليلة" الذي تنافس به في موسم صيف 2026، وقالت عن الصعوبات التي واجهتها خلال التصوير وإصابتها في أحد المشاهد: "كنت طالعة أجري وأنا في الفيلم في عصاية في الجزمة بطلعها وأنا بطلعها وبجري ومش واخدة بالي العصاية خرجت ووقعت واتكعبلت فيها، حسيت أن أنا أكيد مليون في الميه اتكسرت بس رشيت سبراي وتلج وقمت كملت، أنا حبيت الأكشن أحمد السقا يخاف مني، هو فيلم لذيذ أنا خارجة من رمضان من دور تقيل أوي".

فيلم "شمشون ودليلة" من بطولة أحمد العوضي، مي عمر، أحمد عصام السيد، ريتال عبد العزيز، محمود البزاوي وانتصار وخالد الصاوي، محمد ثروت، عصام السقا، وتأليف محمود حمدان، وإنتاج أحمد السبكي وكريم السبكي، وإخراج رؤوف السيد.

يذكر أن مي عمر شاركت في موسم رمضان 2026 بمسلسل "الست موناليزا".

مسلسل "الست موناليزا" يشارك في بطولته إلى جانب مي عمر كل من: محمد محمود، هدير عبد الناصر، سلوى محمد علي، شيماء سيف، إنجي المقدم، سوسن بدر، أحمد مجدي، حازم إيهاب، جوري بكر، مصطفى عماد، محمود عزب، حسن حفني، والمسلسل من تأليف محمد سيد بشير، وتحت قيادة المخرج محمد علي.