أحمد زاهر: فكرت في الاعتزال بعد ما وقعت على المسرح في حفلة تامر حسني

نهال ناصر | فى سينما وتلفزيون

أحمد زاهر

الاثنين , 6 يوليو 2026 - 12:07 | اخر تحديث: الاثنين , 6 يوليو 2026 - 12:07

تحدث الفنان أحمد زاهر عن زوجته هدى وكيف هي سبب كل نجاح في حياته، وتذكر فترة صعبة فكر فيها في الاعتزال وهي ساعدته لتخطي هذه الفترة.

وقال أحمد زاهر خلال لقائه في برنامج "منا وفينا": "هدى أحلى حاجة في حياتي يعني أي حاجة حصلت لي في حياتي، لما أكون عصبي جدا وهبوظ الدنيا في حاجة تهديني، من كام سنه كده كنت أنا بصور فيلم اسمه "زنزانة 7" أكشن، في الفتره دي تامر حسني صاحبي جدا كلمني وقال لي يا زيزو ما تيجي تقدم الحفلة بتاعتي في فقلت له طبعا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد زاهر: "رحت وقدمت الحفلة ومأخدتش بالي أن في فتحة في المسرح، ولما طلعت اتخضيت من جمهور تامر بسم الله ما شاء الله الله اكبر ناس كتير قوي فانا اتخضيتإحنا لما بشوف جمهور مثلا في المسرح بيبقى 1000 ده أكبر مسرح أنا شايف آلاف عيني مش عارفة تجيب آخر الناس وماشي مش واخد بالي وكان في مربع كده مفتوح تقريبا تامر هيطلع منه وأنا بقدم رحت واقع فطبعا كان في مسافه فكعبي اتكسر الحتة اللي ماسكه وتر اكيلس، مش قادر أوصف الألم كان إزاي وقتها وطلعت وكملت وقدمت الحفل".

نرشح لك: "بقفل على نفسي الأوضة وبنهار" … أحمد زاهر يتحدث عن مرض ابنته "نور"

وأكمل أحمد زاهر: "بعدها طلعت جري على المستشفى وهو خلص يا حبيبي حفلته وجاللي على طول على المستشفى هو بسمة ووقعدوا معايا لأن كانت صعبه قوي، أنا كنت عارف أن الحاجات دي ممكن تخلي الواحد يمشي بزكه طول حياته أو يبقى في رجل أقصر من رجل أو حاجه زي كده، وأنا طبعا خدت مسامير وشرايح وعملية يعني ضخمة وعندي فيلم بيتصور وقعدت 8 شهور في الجبس وحوالي 8 شهور تانيين علاج طبيعي".

وأضاف: " في لحظة قلت لهدى أنا لو حصل حاجة في رجلي وما بقتش أمشي طبيعي هبطل تمثيل لأن هتجاب بقى في دور لما يبقى عندك كراكتر عنده عاهه مش هبقى ممثل بقى فهبقى بمشي وأنا بزك مش هحب أشوف نفسي يعني وهتبقى تريقة على السوشيال ميديا الناس اللي ما بتسيبش حد في حالة فقلت لها لا مش هقدروأنا نا بحب التمثيل قوي أنا التمثيل بالنسبة لي مش نجومية ولا شهرة ولا فلوس ولا الكلام ده خالص أنا أعلى ساعات النشوه اللي بحس بيها في حياتي لما بكون كاميرا بتصورني وإضاءة في وشي وأنا متقمص شخصية غير شخصيتي وبعمل مشهد حلو، ممكن بالنسبة لحد تاني بيتفرج علينا إيه التفاهه اللي بيقولها دي بس يعني براحتكم بس أنا ده احساسي وده اللي أنا بحبه،
بتعب قوي في الدور عمري في حياتي ما مثلت دور كده اللي هو يلا بينا لما دور ده لازم مذاكره وإزاي هغير وازاي هعمل ولو في جانب نفسي اروح لدكتور، هدى دايما معايا وبتدعمني واي نجاح هي سببه".