بعد 18 عاما … أشرف فايق يكشف عن الجزء الثاني من "الزمهلاوية"

نهال ناصر | فى سينما وتلفزيون

المخرج أشرف فايق

الاثنين , 11 مايو 2026 - 11:05 | اخر تحديث: الاثنين , 11 مايو 2026 - 12:05

كشف المخرج أشرف فايق أنه كتب الجزء الثاني من فيلم "الزمهلاوية" لكن حتى الآن لم يدخل في حيز التنفيذ.

وقال أشرف فايق خلال لقائه ببرنامج "الكورة فن" الذى تقدمه الإعلامية دينا سليم على راديو ON Sport F.M: "في الوقت اللي اتعمل فيه فيلم "الزمهلاوية" جالي اكتر من عرض لإنتاج جزء تاني ومن ضمنهم من 3 رجال أعمال أصحاب عزت أبو عوف، والجزء التاني اتكتب وبطور فيه ماذا لو احنا رجعنا للناس دي بعد كل الفترة دي إيه اللي حصل، وكتبت فيلم عن قصة حياة محمد صلاح وبطولة محمد صلاح هذا اللاعب الأسطورة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أشرف فايق متحدثا عن كواليس فيلم "الزمهلاوية" وسر اختياره للاسم: "وأنا بصور الفيلم ألتراس أهلاوي كان مستاء جدا مني عشان قلت الزمهلاوية، قلتلهم أنا تحت أمركم سموا الفيلم الأهلي الأول، أنا جبت اسم الفيلم من عبد الحليم حافظ في برنامج "عالناصية" لما سألته أنت أهلاوي ولا زملكاوي أنا زمهلكاوي، دا أذكى حاجة اتقالت في الدنيا عشان ميخسرش الجمهور".

نرشح لك: #شرطة_الموضة: غادة عبد الرازق بفستان Polka Dots قصير ... سعره 52 ألف جنيه

وأكمل: "الفيلم مكتوب قبل تنفيذه بـ10 سنين، كان في أكتر من 7 جهات إنتاج كانت عايزة تعمله، أنا كنت عايز اتكلم عن التعصب في كرة القدم مش عند الأهلي والزمالك بس عند كل الفرق".

وتحدث أشرف فايق عن نجوم كرة القدم الذين شاركوا في الفيلم قائلا: "لما جيت أنفذ الفيلم في لاعيبة كرة أنا كنت عايزهم في الفيلم اترعبوا زي حازم إمام احترمته جدا قالي بشكل واضح "مش بتاعتي"، حازم إمام بالنسبة للزمالك الرمز أه في عمرو زكي وجمال حمزة اللي عملوا الفيلم أنا كنت عايز حازم إمام، كنت عايز عماد متعب ومنفعش، وفي لاعيبة مضوا العقد وخافوا قبل التصوير، اتفقت مع محمد شوقي وعمرو زكي وعصام الحضري وباقي اللاعيبة أننا نقعد نعمل إعداد للمثل لكن فجأة سافروا واحترفوا برا فكانوا بيجولي هربانين في الراحة اليومين، فغيرت الخطة ومقعدتش معاهم ومرنتهم ومعملوش بروفات، كنت بتعامل مع كل لاعب على شخصيته الحقيقية، الحضري بالتحديد أنا كتبتله المشهدين بتوعه بشكل ساخر عشان أصالح الجمهور اللي كان زعلان من الحضري، وبكى وقت التصوير لما قال أنه مهربش وكان عنده طموح للاحتراف، أما عمرو زكي بلدوزر وعشوائي لدرجة أنه في مشهد من المشاهد قرر لوحده أنه يغني لعمرو دياب وسبته يغني".

وفيلم "الزمهلاوية" من بطولة عزت أبو عوف وصلاح عبد الله وهالة فاخر وانتصار وأحمد عزمي وبشرى ونرمين ماهر ولارا وطلعت زين ووحيد سيف وحسن مصطفى وعدد كبير من الممثلين بجانب نجوم كرة القدم: جمال حمزة وعمرو زكي وخالد بيبو ومحمد شوقي وأحمد سمير فرج وعصام الحضري.