محمود ياسين جونيور يعلق على التشابه بين اسم فيلمه "الأمير" ومسلسل أحمد عز

FilFan | فى حياة المشاهير

محمود ياسين جونيور

الجمعة , 1 مايو 2026 - 14:51 | اخر تحديث: الجمعة , 1 مايو 2026 - 18:07

علق الفنان محمود ياسين جونيور على التشابه بين اسم أول فيلم من تأليفه "الأمير" مع مسلسل أحمد عز من تأليف المستشار تركي آل الشيخ.

قال محمود ياسين جونيور عبر مداخلة هاتفية في برنامج "اليوم هنا القاهرة" المذاع على قناة "مودرن": "مفيش أزمة.. النجم والأستاذ أحمد عز مدخلش في أزمة معاه وأنا متأكد إنه توارد أفكار. في ناس سمعت عن مشروع "الأمير" اللي بكتبه ومش شرط الناس كلها تكون عرفت عن الموضوع ده".

وأضاف: " كان نفسي أحافظ على اسم الفيلم بس أعتقد هيبقى صعب بعد ما بقى في مسلسل للنجم أحمد عز وبتمناله النجاح والتوفيق ومتأكد إن الموضوع مش مقصود، وهحاول أشوف هعمل إيه في الاسم."

وكان محمود ياسين جونيور قد أعلن عن كتابته لفيلم "الأمير" عبر فيديو يطالب فيه والده السيناريست عمرو محمود ياسين بقراءة السيناريو.

وقال محمود ياسين جونيور: "والدي قراه من زمان والحمد لله أشاد به وقال التفاصيل اللي محتاجين نطورها، ودي أول تجربة كتابة ليا وكان حريص يساندني ويبقى جنبي. عملت ضغط جمهوري عشان يقراه وكان مشغول ساعتها. كل شوية أقوله "قريت؟" يقولي لسة، فاتخنقت بقى ونزلت فيديو قلت للناس يقولوله يقرأ والحمد لله جابت نتيجة".

وكشف محمود ياسين مستجدات فيلم "الحارس"، من بطولة هاني سلامة، وقال: "باقي 4 أيام تصوير، منهم يوم في مصر وتقريبًا 3 في لبنان، وبعد الأحداث الأخيرة طبيعي حصل تأجيل. مش عارف امتى هنرجع نستأنف، معنديش معلومة امتى هنرجع. قلبنا مع شعب لبنان".

اقرأ أيضا:

#شرطة_الموضة: أربع نجمات بنفس الفستان ... يسرا وأمل بوشوشة ومنة شلبي وليلى علوي بفستان من Carolina Herrera

يسرا ودينا الشربيني وهدى المفتي وأمير أديب في العرض الخاص لفيلم The Devil Wears Prada

#شرطة_الموضة: دينا الشربيني بفستان قصير أسود بورود مجسمة في عرض The Devil Wears Prada 2 ... سعره 20 ألف جنيه

شريف رمزي يقدم شخصية معقدة نفسيا في "الحالة 110"

لا يفوتك: لو فيلم نيمو اتعمل بفنانين مصريين هيكون بطولة مين؟

لا يفوتك: المخرج نمير عبد المسيح صاحب "الحياة بعد سهام" الحائز على أكثر من 15 جائزة دولية يتحدث لـ(في الفن) 🎬

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5