7 نصائح لمقاومة الملل ... منى هلا تقدم مقترحات للمتجبسين عشان ما يعملوش في نفسهم حاجة

FilFan | فى حياة المشاهير

منى هلا تحكي تجربتها مع "الجبس" وتقدم نصائح للمصابين

الاثنين , 20 أبريل 2026 - 11:04

نشرت الفنانة منى هلا فيديو عبر حسابها على موقع "إنستجرام" تحكي فيه تجربتها مع الجبس بعد إصابتها بكسر في قدمها ووضعها في الجبس.

قالت هلا في الفيديو الذي لاقي تفاعلا كبيرا على منصة تبادل الصور: الجبس أكتر شيء ممل فى الحياة، مقترحات للمجبسين عشان ما يعملوش حاجة فى نفسهم من الملل.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ثم بدأت في سرد النصائح السبعة قائلة:
أولا: العياط هيبقى جزء أساسي من يومك عادي تعامل معاه بشكل طبيعي.

منى هلا تقدم نصائح لـ"المتجبسين"

ثانيا: لازم تشغل وقتك بأي حاجة مفيدة عشان لو عايش لوحدك ممكن يجيلك أفكار مش تمام.

ثالثا: خلي عندك أرقام للطوارئ وعرف حد من المقربين واتكلم معاهم بصراحة عن مشاعرك.

رابعا: أسمع لجسمك لإن غالبا هيدوك أدوية كتير ممكن تنام بسببها أحيانا عشرين ساعة في اليوم، أسمع جسمك ولا تشعر بالذنب إنك بتضيع وقت أبدا.

خامسا: كل كويس جداااااااااا واعتنى بنضافتك الشخصية لأن دي بتفرق في النفسية.

منى هلا تقدم نصائح لـ"المتجبسين"

سادسا: مارس هواياتك المفضلة وحاول تعمل كل الحاجات اللي كنت مأجلها زي القراية، الكتابة، الفرجة على أفلام ومسلسلات، الخياطة، وهكذا.

سابعا: خلي علاقتك الاجتماعية مع الناس اللي بتحبهم قوية في الوقت ده وبلاش تقعد لوحدك كتير عشان دماغك متتسلوحش فى افكار سودوية.

لو حد عنده افكار تانية يبعتلي، خلوا بالكم من نفسكم وصحتكم، وبلاش تضغطوا على أى إصابة عشان ما تتحطوش فى الجبس زيى 😢

منى هلا تقدم نصائح لـ"المتجبسين"

واختتمت هلا حديثها بالكشف عن سبب إصابتها قائلة: ملحوظة: أنا كان عندى الإصابة دى من سنتين تقريبا ولظروف شخصية وظروف عمل خارجة عن إرادتي كملت شغل وأنا رابطة رجلي لإن مكنتش حاسة بالألم من المسكنات لكن بعدها الموضوع باظ والدكتور خلاني فى الجبس 😢 وبعدها علاج طبيعي فترة طويلة بس الحمد لله خفيت مع الوقت وبقيت كويسة.

وأكملت: أحيانا الإصابات اللى ممكن نستهون بيها بتقلب خلوا بالكم، أتمنى الشفاء لكل المرضى ولو حد متجبس أتمنى يخف بسرعة ويرجع يمشي طبيعي تاني ❤️❤️❤️❤️❤️❤️