أحمد السعدني: حاولت مخليش احتياجي المادي يحوجني اشتغل حاجات مش عاجباني

مي جودة | فى حياة المشاهير

أحمد السعدني

الخميس , 16 أبريل 2026 - 14:41 | اخر تحديث: الخميس , 16 أبريل 2026 - 15:41

كشف النجم أحمد السعدني عن سبب غيابه وقلة أعماله الفنية في السنوات الأخيرة.

قال أحمد السعدني: "من وأنا صغير وانا غندي القرار دا بس نفذته من 5 سنين وكنت بضعف، من وأنا صغير معملش حاجة غير وأنا مقتنع بها عشان أكون مبسوط، لأن أصلا شغلانتي هوايتي، ومن وأنا صغير كان في فترات كنت مابشتغلش عشان مافيش حاجة عاجباني بس كنت ممكن أفوت عشان محتاجين وفي قسط أو حاجة"، حسب تصريحاته لبودكاست "فايق ورايق" الذي يقدمه الإعلامي.

أحمد السعدني

وتابع أحمد السعدني: من 5 سنين حاولت مخليش احتياجي المادي يحوجني إن انا اشتغل أوي، ودي صعبة، وفيها سنة جهاد للنفس، إن المادة مش كل حاجة، ممكن أعمل عمل تافه جدا بس أنا مقتنع بيه، خصوصا إن أنا معنديش تطلعات، الحمدلله من وأنا صغير أبويا كان مكفيني، وممكن نطور من نفسنا ونعمل حاجات حلوة ونجيب اللي نفسنا فيه بإمكانياتنا، مانضغطش على نفسنا عشان نحط نفسنا في مستوى إحنا مش فيه أو عشان الناس تقول إيه دا؟ دا راكب عربية مش عارف ايه ما يقولوا اللي يقولوه.

يذكر أن آخر أعمال أحمد السعدني كان مسلسل "لاترد ولا تستبدل" المكون من 15 حلقة ويتابع المسلسل حكاية مجموعة من الشخصيات التي تجمعها صدف متلاحقة وأزمات عائلية وصراعات يومية، تبدأ عندما تبحث فتاة عن متبرع ينقذ حياتها، فتتشابك خيوط العلاقات حولها وتنكشف أسرار وخلافات قديمة بين أفراد العائلة والمحيطين بها.

مسلسل "لا ترد ولا تستبدل" بطولة دينا الشربيني وأحمد السعدني وحسن مالك وحنان سليمان وفدوى عابد وصدقي صخر ويارا جبران وبسام رجب، تأليف دينا نجم وسمر عبد الناصر، وإخراج مريم أبو عوف.