هاني محروس يعلق على استخدام "سطلانة" في المسلسل الأمريكي Malcolm In The Middle: الأغنية دي جابتلي اكتئاب

محمد سليم | فى سينما وتلفزيون

هاني محروس

الثلاثاء , 14 أبريل 2026 - 22:44 | اخر تحديث: الثلاثاء , 14 أبريل 2026 - 22:44

علق المنتج هاني محروس لأول مرة على استخدام أغنية "سطلانة" في المسلسل العالمي Malcolm In The Middle، أثناء مداخلة هاتفية ببرنامج "اليوم هنا القاهرة" على قناة مودرن.

قال هاني محروس: "من 2023 والأغنية دي بتفرح شعوب وناس كتير وهي حاجة تفرح الواحد جدًا إن انت تعمل حاجة تجيب بهجة وسعادة للناس.. الاغنية دخلت في أعمال كتيرة جدًا آخرهم المسلسل العالمي الأمريكي، حاجة تفرحني جدًا ان بعد ما تتعب وتشقى تلاقي ربنا بيديك نجاح".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هاني محروس

وأضاف المنتج: "الأغنية نجحت بعد شهر و10 ايام من نزولها وجابتلي اكتئاب. قعدت شهر و10 أيام مش عارف أشتغل. كنت زعلان جدًا عشان خدت مجهود كبير جدًا عشان نعمل كلام والشكل واللحن ده. أقدم تحية لمصطفى حسن الشاعر وكريم عاشور الملحن".

نجوم أغنية سطلانة

وكشف المنتج أن الشركة المنتجة للمسلسل بالفعل تواصلت معه من أجل الحصول على حقوق الملكية الفكرية، إذ قال "تواصلوا مع الموزع اللي شغالين معاه وسألناهم الأغنية هتتحط إزاي في المسلسل؟ وهنديهم ترخيص للاستخدام ازاي؟ وكده كده لما حد من أوروبا ياخد منك حاجة دايمًا بيبقوا واخدين بالهم إن في حقوق ملكية فكرية ودي مفيهاش هزار".

طالع أيضا - دياب يتألق باضخم حفلات شم النسيم ... الجمهور يناديه بـ "حجاج" ويغني "هم تيكا تيكا هم"

بوستر مسلسل Malcolm In The Middle

وأوضح المنتج سبب نجاح الأغنية مع الجمهور الأجنبي: "أول حاجة احنا عارفين الأغنية دي بتنجح ليه مع الأجانب غير إن المزيكا قريبة منهم.. كلمة أوه هما بيقولوها وبنسمعها في مباريات كرة القدم وكلمة "سطلانة" حروفها قريبة من لسانهم ولهجتهم، فبيعرفوا ينطقوها".

أغنية "سطلانة" من غناء عبد الباسط حمودة، حمدي بتشان، محمود الليثي، علي ربيع، أوس أوس، وحسن الخلعي، وظهرت لأول مرة في فيلم "بعد الشر".

يعرض برنامج "اليوم هنا القاهرة" يوميًا على شاشة Modern MTI في تمام الساعة 7:30 مساءً، من تقديم الإعلامي محمد الدسوقي رشدي والإعلامية فاتن عبد المعبود.

اقرأ أيضا:

مهرجان الإسكندرية للفيلم القصير يعلن قائمة أفلام التحريك المشاركة في الدورة الـ 12

إلهام شاهين ووليد توفيق وفيفي عبده ولميس الحديدي من بينهم … النجوم يجتمعون للاحتفال بشم النسيم

سينتيا خليفة مع أحمد السقا وحسن أبو الروس في كواليس فيلم أجنبي أكشن يشارك فيه فرنش مونتانا

"برشامة" عيد الفطر 2026 ... فن الإمتاع في زمن الخداع

لا يفوتك: خالد الصاوي يكشف لأول مرة: قصة مؤثرة عن مشاعر الأبوة تجاه فتاة صغيرة وكلاب!

لا يفوتك: المخرج نمير عبد المسيح صاحب "الحياة بعد سهام" الحائز على أكثر من 15 جائزة دولية يتحدث لـ(في الفن) 🎬

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5