هبة السيسي باكية: رافضة ألبس باروكة عشان حسيت بمعاناة المريضات وقررت أكون واجهة ليهم

نهال ناصر | فى حياة المشاهير

هبة السيسي

الأربعاء , 8 أبريل 2026 - 15:22 | اخر تحديث: الأربعاء , 8 أبريل 2026 - 15:22

كشفت الفنانة هبة السيسي سبب رفضها الظهور بشعر مستعار "باروكة" بعدما تساقط شعرها بسبب العلاج الكيماوي.

وحكت هبة السيسي خلال لقائها في برنامج "قعدة ستات": "بعد أسبوع من أول جلسة كيماوي شعري وقع فجأة مرة واحدة، في يوم باليل شعري ابتدى يقع خصل كبيرة كمية شعر كبيرة بتنزل، دخلت أخدت شاور شعري كله وقع من المايه وجالي انهيار عصبي، بشوف نظرات من النساء بتتخض لما تشوفني أو يبصوا باستغراب أو يتوشوشوا لما يشوفوني مش بيحترموا مشاعري".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت هبة السيسي: "رافضة ألبس باروكة عشان حسيت بمعاناة المريضات قررت أكون واجهة ليهم كلهم إني متكسفش من شكلي مش هيهمني أي حد هواجه الناس كفاية الألم والتعب اللي بمر بيه، مش هلبس باروكة عشان الشكل مش كل حاجة إحنا كده كده شكلنا بيتغير طول الوقت وهنكبر الجمال مش دايم اللي دايم السلام النفسي وروحنا".

نرشح لك: دنيا سمير غانم وحسن الرداد وهشام ماجد ومصطفى غريب من بينهم … النجوم في عيد ميلاد إيمي سمير غانم

وأكملت هبة السيسي: "أنا فخورة بنفسي بس عايزة الناس يحسوا بمريض السرطان لأن التجربة قاسية وصعبة أنا واحدة من الناس وأنا برا دايرة مرضى السرطان مكنتش حاسه ولا فاهمة هما بيمروا بإيه، بيمروا بظروف صعبة واكتئاب أنا إنسانة وعندي مشاعر بقعد أوقات كتير بزعل على نفسي وبكلم ربنا وأنا راضية بالابتلاء دا بس بقعد أقول يارب خفف عني وشيل عني وخرجني من الهم والكرب اللي أنا فيه، بقعد أعيط طول الوقت مش عشان متضايقة من شكلي أنا تعبانة".

هبة السيسي

وعن قرارها بالظهور وعودتها لتقديم برنامجها التليفزيوني قالت هبة السيسي: "قدرت أرجع للبرنامج وأطلع للناس بعد ما وصلت لمرحلة تقبل اللي أنا فيه، لما تقبلت إني خلاص مريضة ومرحلة وإن شاء الله تعدي وإني هنتصر على المرض في اللحظة دي قررت أمارس حياتي الطبيعية عادي وهنزل شغلي، مش قادرة لسه أخرج في مكان عام عشان نظرات الناس، لسه خايفة من مواجهة الناس عشان لما يشوفوني ميتكلموش عني".

وردت هبة السيسي على بعض الاتهامات التي وجهت لها أنها تبحث عن الترند وقالت: " قالوا اني طالعة من غير باروكة عشان الترند، يعني أنا عشان أطلع ترند أو اتشهر أو الناس تتكلم عليا جبت لنفسي المرض وأديت لنفسي كيماوي أنا مريضة سرطان وباخد كيماوي وهو دا وضعي الحالي أتاجر بإيه يا جماعة عايزني أعمل إيه أقعد في البيت، أنا قررت إني مش هلبس باروكة عشان اللي زيي يبقى عندهم ثقة في نفسهم وميتكسفوش من نفسهم، ويا جماعة متتكسفوش من حد عيشوا حياتكم".

وكانت هبة السيسي كشفت عن إصابتها بالسرطان وقالت في برنامجها "ميس إيجيبت" الذي تقدمه عبر قناة "الشمس" في أول ظهور لها بعد خضوعها لعملية جراحية: "النهاردة أول حلقة ليا بعد فترة صحية كانت صعبة جدا بعد إصابتي بالسرطان وعملت عملية كبيرة بس الحمد لله ربنا كرمني وعدت على خير".

وتابعت هبة السيسي: "حابه أطمن كل الناس اللي سألوا عليا وقلقوا عليا ودعولي من قلبهم أنا الحمد لله بقيت كويسة، بس الفترة اللي فاتت خلتني أحس يعني إيه دعوة طالعة بصدق من القلب ويعني إيه في ناس حلوة وجميلة موجودة واقفة في ضهري من غير مقابل، حابه أشكر كل الناس اللي سألت عليا سواء برسالة أو بمكالمة أو زيارة أو حتى دعوة لأن دعواتكم فرقت معايا جدا أنا كنت داخلة في موضوع كبير والحمد لله كلامكم الجميل وصلني وكان دعم ليا في وقت بجد أنا كنت محتاجة الدعم وكنتوا فعلا سند حقيقي ليا".

واختتمت هبة السيسي حديثها: "النهادرة أنا راجعة بطاقة جديدة وحابه أقول لأي حد بيمر بتجربة صعبة أنتوا أقوى مما تتخيلوا وربنا هيسخر لكم اللي يسندكم ويدعمكم ومفيش أقرب من ربنا في أي وجع شكرا ليكم جدا".

اقرأ أيضا:

نرمين الفقي تكشف كواليس مشهد وفاة نجلها في "أولاد الراعي": افتكرت أمي وفقدت القدرة على الحركة

يوسف الشريف يكشف عن تحديات واجهته في تربية أولاده بعد انفصاله عن إنجي علاء

فيديو - اعتذار مفاجئ من حمادة هلال لتامر حسني: شيطان دخل بينا

رحمة رياض تحتفل بعيد ميلاد ابنتها … زينت المكان بصور أميرات ديزني وأخفت ملامحها بهذه الطريقة

لو فاتك: بعد توليت ظهر كابوتشي صاحب "تيجي تيجي" هيعمل مفاجأة مع آخر أغاني الألبوم هنقول لك عليها هنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5