يوسف الشريف يكشف عن اسمه الحقيقي

نهال ناصر | فى حياة المشاهير

يوسف الشريف

الثلاثاء , 7 أبريل 2026 - 10:04 | اخر تحديث: الثلاثاء , 7 أبريل 2026 - 10:04

كشف الفنان يوسف الشريف عن اسمه الحقيقي ومن اختار له اسم الشهرة.

وحكى يوسف الشريف خلال لقائه في برنامج "صاحبة السعادة": "أنا اسمي الحقيقي "محمد إسماعيل"، وإحنا بنحضر لفيلم " 7 ورقات كوتشينة" أستاذ شريف صبري المخرج قالي "محمد إسماعيل" مش اسم سينمائي وهنغيره وقالي هقولك اسم وشوف حبيته ولا لأ وهو اختار اسم يوسف الشريف وبقى اسمي على طول مفيش غير والدتي اللي بتقولي محمد".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

واستعاد يوسف الشريف ذكريات عمله في البداية في الإعلانات وحكى عن علاقة الصداقة الكبيرة التي تجمعه بالفنان أمير كرارة قائلا: "أمير كرارة عشرة عمر نعرف بعض من وإحنا أطفال بنلعب في الشارع كنا جيران، في فترة أمير طلع بفكرة أن نروح البرامج كجمهور نقعد وناخد فلوس ونسقف، كنا بناخد وجبة و50 جنيه كنا في أواخر التسعينيات، تطور الموضوع وبقينا بنشارك في الإعلانات، أنا جاتلي الفرصة من إعلان كنت عملته مع المخرج شريف صبري وقالي أنت هتبقى بطل فيلمي اللي جاي كنت وقتها بتخرج من الجامعة".

نرشح لك: فيديو - أحمد عبد الله محمود يروي قصة حبه لزوجته بعد 20 عامًا من الفراق: أرملة ولديها ثلاثة أطفال

وتابع يوسف الشريف: "هو عمل معايا مجهود وجاب ناس تمرني على التمثيل وأنا بحييه على اللي عمله معايا، كان بيدربني ومخليني تحت الاختبار، بعد ما اتخرجت كان المفروض أسافر فرنسا واشتغل هناك، رحت لشريف صبري وقلت له أنا هعمل الفيلم ولا لأ وقتها قالي هنعمله ودي الـ48 ساعة يا كنت مهندس في فرنسا يا ممثل في مصر، وعملنا الفيلم".

يذكر أن يوسف الشريف عاد لجمهوره بعدد غياب بمسلسل "فن الحرب" وشارك في موسم رمضان 2026.

مسلسل "فن الحرب" بطولة يوسف الشريف، ريم مصطفى، شيري عادل، كمال أبو رية، محمد جمعة، دنيا سامي، إسلام إبراهيم، محمد عبده، محمد ناصر، كريم أدريانو، إنجي سلامة، أحمد سلامة، يحيى أحمد، ريم رأفت، مريت الحريري، عبير فاروق، ياسر علي ماهر، عزت زين، أحمد رفعت، من تأليف عمرو سمير عاطف وإخراج محمود عبد التواب توبة.