حمادة هلال: التريقة على أغنية "شهداء 25 يناير" كانت قاسية وقررت أرد بطريقتي

نهال ناصر | فى حياة المشاهير

حمادة هلال

الاثنين , 6 أبريل 2026 - 12:42 | اخر تحديث: الاثنين , 6 أبريل 2026 - 12:42

تحدث الفنان حمادة هلال عن فترة صعبة مر بها جعلته يتعلم كيف يتعامل مع مواقع التواصل الاجتماعي وما يكتب عليها فأصبح أكثر هدوءا.

وحكى حمادة هلال خلال لقائه في برنامج "كلام نواعم" قائلا: "الهدوء اللي أنا فيه لأن حصل معايا مشكلة قبل كده في السوشيال ميديا واتعلمت من الدرس دا أيام الثورات العربية عملت أغنية ومكنتش واخد بالي عملت أغنية "شهداء 25 يناير ماتوا في أحداث يناير" الغنوة نجحت جدا وبعد كده نجحت نجاح تاني خالص نجحت تريقة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع حمادة هلال: "أنا بقيت سنة تريقة السوشيال ميديا كلها وكانت سنة قاسية عليا وكنت أقول أطلع أرد؟ وأمشي في أي حته الناس تشاور وتقول شهداء 25 يناير، كان كلام صعب جدا وعلى السوشيال ميديا لما يحبوا يضايقوا حد لو أنت رديت عليهم وحسستهم أن أنت متضايق والموضوع تعبك يا سلام دي فرحتهم الكبيرة وهتلاقيه مكمل معاك".

نرشح لك: دينا دياب عن فيديوهات رقصها: كنت بوصل رسالة أن الرقص مش حاجة وحشة ولا رخيصة

وتابع ليكشف طريقته في الرد على الهجوم: "أنا بعدها عملت فيلم "مستر أند مسز عويس" وعملت غنوة "سبونج بوب" وقصدت إني أكد "أنا سبونج بوب سفنجة ودا لوني سبونج بوب أصفر كموني" وبعدها عملت صفحة على تويتر اسمها "بديهيات" وبقيت أقول "أحلى مايه في كبايه المايه"، بدأت الناس تضحك وتهرج معايا ونسيوا الموضوع واكتشفت أن أنت أحلى حاجة أنك تكبر عقلك".

View this post on Instagram

A post shared by كلام نواعم Kalam Nawaem (@kalamnawaeminsta)

يذكر أن حمادة هلال شارك في رمضان 2026 بمسلسل "المداح" الجزء السادس.

"المداح 6" من بطولة حمادة هلال، هبة مجدي، خالد سرحان، دنيا عبدالعزيز، حمزة العيلي، مفيد عاشور، علاء مرسي، خالد أنور، عفاف رشاد، جمال عبد الناصر، وفاتن سعيد، والعمل من تأليف أمين جمال، وليد أبو المجد، شريف يسري، وإخراج أحمد سمير فرج.

اقرأ أيضا:

فيديو - درة تكشف كواليس ضربها أحمد العوضي بالقلم في "علي كلاي": الناس في الشارع اتفرجت علينا

نجل عبد الرحمن أبو زهرة يكشف تطورات حالته الصحية: لم يوضع على جهاز تنفس صناعي

ميريام فارس تتألق بفستان أبيض يبرز رشاقتها خلال احتفالها مع أسرتها بأحد الشعانين

محمود حجازي يستأنف على حكم حبسه 6 أشهر في قضية التعدي على زوجته

لا يفوتك: "أكشن هتلاقي كوميدي هتلاقي غموض وجريمة برضه هتلاقي ... أفلام عيد الفطر"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5