عمرو محمود ياسين يرد على جدل تغيير نهاية "وننسى اللي كان": هبدة كل سنة

نهال ناصر | فى سينما وتلفزيون

عمرو محمود ياسين

السبت , 21 مارس 2026 - 20:59 | اخر تحديث: السبت , 21 مارس 2026 - 20:59

رد المؤلف عمرو محمود ياسين على الجدل الذي أثير حول نهاية مسلسل "وننسى اللي كان" وتشابهها مع نهاية مسلسل "علي كلاي".

وأكد عمرو محمود ياسين أنه لم يغير نهاية المسلسل وأنه حددها منذ البداية، موضحا أنه اعتاد كل عام أن يتم الحديث عن هذا الأمر.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وكتب عمرو محمود ياسين عبر حسابه على Facebook: "هبدة كل سنة يقولك النهاية اتغيرت أولا مافيش مرة بدخل فيها أي عمل وببقى مش محدد النهاية ايه كإطار عام عشان ده أكتر شيء بيسهل رحلة الكتابة لأني عاوز أوصل لنقطة بعينها فعندي هدف".

نرشح لك: فيديو - المطربة هدى: نفسي ألبس الحجاب لكن عندي مسؤوليات تمنعني

وأضاف: "ثانيا سيكونس مشاهد الـ MMA اللي قبل مشهد النهاية ده معروف ومتحدد من زمان لأن الأمور دي عايزه تجهيز يعني لازم نعمل معاينة نحجز مكان نجهز ديكور إضاءة نحجز مجاميع يتعمل أوردر عمل .. الخ .. الخ .. ولسه كل ده مابتدناش التصوير اللي بياخد يوم كامل على أقل تقدير وأنتوا اكيد شفتوا الكواليتي اللي متقدم في المشاهد دي وده كواليتي ماينفعش يبقى ألو .. صباح الخير ..ماتيجوا نعمل مشاهد ضرب للركب ويلا بينا!".

وأكمل عمرو محمود ياسين: "إيه السذاجة دي بجد؟ التصوير مش موضوع سهل ده معقد جدا و مليء بمئات التفاصيل ( وخصوصا لو أكشن) ده غير أن البطولة اللي بيخوضها بدر السباعي واللي أهلته لبطولات أهم كما ظهر في الفوتومونتاج الذي تلى البطولة كانت ضرورية لتأمين نهاية سعيدة لأن مش معقول أن جليلة و بدر يقدروا يعيشوا حياة سوية في ظل وجود فجوة كبيرة بينهم!

يعني كان ضرورة درامية محددة عندي من البداية بما إني من البداية أيضا مستهدف النهاية السعيدة فالموضوع متفق عليه من بدري جدا ومعروف للجميع حتى الأغنية كانت متحددة ومتفق عليها من بدري (أغنية كله بيقلدك)".

واختتم عمرو محمود ياسين كلامه: "أنا بستغرب قوي أن بعض الناس بتكلم الكلام ده !! وللأسف بعضهم يفترض فيه أن عنده خبرات بالعملية التصويرية والإنتاجية".

منشور عمرو محمود ياسين

مسلسل "وننسى اللي كان" بطولة ياسمين عبد العزيز، كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.