باسم سمرة عن "عين سحرية": معندناش ميزانية اتعملت عشان لجان السوشيال ميديا

نهال ناصر | فى سينما وتلفزيون

باسم سمرة

السبت , 21 مارس 2026 - 16:54 | اخر تحديث: السبت , 18 أبريل 2026 - 13:23

انتقد الفنان باسم سمرة ما يحدث عبر مواقع التواصل الاجتماعي من وجود لجان لدعم فنان أو عمل محدد والحديث عن نجاحه وأرقام مشاهدته.

وتحدث باسم سمرة عن مسلسله "عين سحرية" مؤكدا أن شركة الإنتاج لم تفكر في دفع أموالا للجان عبر مواقع التواصل الاجتماعي للحديث عن المسلسل قائلا: "الإنتاج محترم عارف هو بيصرف فين، إحنا معندناش ميزانية اتعملت عشان السوشيال ميديا مفيش فلوس راحت للجنة عشان يقولوا علينا إحنا حلوين أو وحشين، بيبقى في ميزانية كبيرة للأسف عشان تزييف الواقع ويحسسك أنك متفرج مش فاهم حاجة يقولك دا جايب مليار ودا تزييف للواقع، والمشكلة الأكبر أن الناس اللي بتعمل دا صدقت أنهم شطار".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأكمل: "هي كانت موضة فترة والناس مكانتش مستوعبة دلوقتي الناس استوعبت، وأقولهم مفيش داعي لكده اشتغل على دور أعمل دور مختلف أتمنى لكم التوفيق إحنا شعب كبير ونستحمل دراما وأكشن وكوميدي بس مفيش حاجة اسمها أنا أحسن واحد وأغنى واحد وأقوى واحد مفيش الكلام دا الجمهور اللي بيقول دلوقتي أنت بتصادر رأي الجمهور بطريقة أو أخرى بتبرعات بجوايز، الشغل الحلو بيعبر عن نفسه".

نرشح لك: فيديو - المطربة هدى: نفسي ألبس الحجاب لكن عندي مسؤوليات تمنعني

مسلسل عين سحرية

وأضاف: "اللي عمل الكدبة صدقها والنرجسية كبرت أوي في دماغهم، والمسئول عن دا المسئولين عن السوشيال ميديا هو عايز ياكل عيش، هيجي يقولك دا شتمك ودا شتم، في مسئول بيبقى ماسك صفحة الممثل هو من مصلحته أن الخناقة دي تفضل شغاله، أنا بكره دا وضد دا ومش بحب اللي بيعمل دا عندك موهبة ورينا شغلك بما يرضي الله ناقش قضية أنت مقتنع بيها عندنا ياما قواضي, والسنة دي الرقابة مديانا حرية نتكلم".